جوز بنتي كان بيجيب لها رجالة.. القصة الكاملة حول تصريحات نهى العمروسي حول قضية فورمونت

كتبت الفنانة نهى العمروسي، عبر حسابه الرسمي بموقع فيسبوك، تعليقا جديدا عن قضية الفيرمونت، المتهمة فيها ابنتها نازلي مصطفى كريم.

وتداول رواد مواقع التواصل الاجتماعي "بوست"، للفنانة نهى العمروسي، تتحدث خلاله عن التهديدات التي تلقتها ابنتها الفترة الماضية وزواجها وعلاقتها بقضية "فيرمونت".

ووفقًا لـ"مصراوي"، علقت العمروسي: "فيه جهات نشر حقيرة، بتقول تصريحات مغلوطة عن لساني، أنا ماقلتش إن جوز بنتي كان بيجيبلها رجالة، الكلام ده ماجاش على لساني"، ومنذ قليل قامت "العمروسي" بحذف المنشور، من حسابها بموقع فيسبوك.

بالرغم من حذف "البوست" من صفحة العمروسي إلا أنها أكدت في تصريحات خاصة لمصراوي كل ماورد فيه.

وكتبت العمروسي: "الست ساعات جوزها بيرغمها إنها تعمل حاجات مش عايزاها ولا راضية عنها، لكن بتعملها غصب عنها عشان ترضي جوزها خصوصا لو كانت بتحبها وبتثق ثقة عمياء فيه، وسنها صغير ومش فاهمة الدنيا".

وأضافت: "الفيديوهات المسربة لابنتي نازلي، ينطبق عليها المثل ده، واللي صورها وصوته باين في واحد منهم بوضوح كان جوزها اللي هو واحد من المتهمين في جريمة فيرمونت الولد ده بنتي كانت بتحبه من وهما مع بعض في المدرسة وعلاقتهم استمرت 12 سنة لحد السنة اللي فاتت لما تمت 21 سنة خدها واتجوزها من ورايا".

وتابعت: "مفيش بنت منحرفة هتفضل مع واحد 12 سنة، اللي بيسرب الفيديوهات رقم من استونيا بيبعت الفيديوهات للصحفيين، ولأرقام عشوائية عشان يفضح بنتي، بنتي المسكينة فضلت 12 سنة مع واحد بيبتزها وبيهددها وكانت مبتتكلمش ولا بتقولي ولا بتقول لحد".

وأوضحت: "لما اكتشفت قريب إن بنتي اتعرضت لكل القسوة دي سألتها ليه خبت عليا، وإيه اللي كان في دماغها ساعتها، ردت عليا وقالتلي أنا قولت أرضى وخلاص، لكن مع السنين البنت كبرت وبقت ترفض إنها توافق على حاجة هي مش راضية عنها، هددها وابتزها خصوصا، أخر سنتين، ورضخت لتهديداته وبعدين ثارت عليها وقررت متعملهاش تاني الحاجات دي من ضمنها الفيديوهات المنشورة".

واختتمت العمروسي: "غطوا لحم بنتي ومتظلموهاش دي بنت يتيمة من طفولتها استفرد بيها واحد كان مدبر لها شر عشان كدا كان بيقصد يصورها بعلمها ومن غير علمها إتقوا الله.

وتواصل النيابة العامة، تحقيقاتها في قضية التعدي على فتاة في فندق الفيرمونت، عام 2014، وقررت حبس ثلاثة متهمين أربعة أيام احتياطيًّا، وإخلاء سبيل ثلاثة آخرين إذا ما سدد كلٌّ منهم ضمانًا ماليًّا قدره 100 ألف جنيه، وآخر بضمان محلِّ إقامته، وذلك على ذمة التحقيق معهم في وقائع اتهموا فيها بالتحقيقات الجارية في واقعة التعدي على فتاة بفندق "فيرمونت نايل سيتي". ومن بين الثلاثة التي أمرت النيابة بحبسهم 4 أيام نازلي مصطفى، ابنة الفنانة الشهيرة نهى العمروسي