عميل يحذر من التعامل مع سوق: بيبيعوا منتج مضروب على إنه أصلي 

نشر أحد المتضررين من التسوق أونلاين في مصر، منشور تحذير من التسوق أونلاين عبر شركة سوق دوت كوم، وقال: "إنه طلب منتج أصلي من على سوق لكن ما وصله مضروب".

وكتب محمد الوكيل في منشور عبر الفيس بوك، "انا بتعامل مع Souq.com من اكتر من ١٠ سنين كل حاجه بشتريها من عندهم سواء منتجات السوبر ماركت الصغيرة لحد الاجهزة الكهربية الكبيرة (تليفزيون، غسالة، بوتجاز، ... الخ)".

وأضاف،" وبصراحة لو في مشكلة كانوا دايما بيقدروا يحلوها بس المرة دي الموضوع مختلف شوية ..

اشتريت من سوق بتاريخ ٢٨-١٠ ماكينة اسبريسو يدوية ماركة واكاكو تمنها ١٥٠٠ج والمنتج كان "fulfilled by souq" يعني المفروض سوق بتضمن ان المنتج أصلي واللي حصل اني استلمت الاوردر يوم ٣٠-١٠ لقيت منتج مضروب بيتباع علي سوق برضو بسعر ٥٠٠ج أو اقل".

وتابع، "عملت شكوى على سوق وقولتلهم المنتج مش أصلي إزاي يبقي مضمون من سوق، ردوا عليا انهم هيرجعوا المنتج وهيرجعولي فلوسي! قولتلهم انا مش مشكلتي في الاسترجاع، المشكلة اني عملت الشكوى والمنتج لسه موجود علي سوق وحساب التاجر ما اتقفلش وناس تانيه هتعمل اوردر بالمنتج المغشوش ده وانتوا ما اخدتوش اي اجراء ضد التاجر وللأسف ما حدش رد عليا واتنفضلي تماما. فقولتلهم إني هحكي عن تجربتي وهراسل أمازون وهعمل شكوى في حماية المستهلك ولا حياة لمن تنادي".

وأتم،" بصراحة أول مرة سوق تخذلني بعد ما كنت بشجع كل اصحابي يشتروا كل حاجتهم منه ".