عزت العلايلي.. حكاياته مع لحمة الراس والمخ الطازة

صاحب بصمة واضحة في السينما المصرية، فأصبح ابن البلد الذى أحبه كل من عرفه، الفنان عزت العلايلى، يحكى في لقاء له على القناة الأولى المصرية قائلا ”أنا من حى شعبى وبحب لحمة الراس جدا وكان في مرة رحت اشترى لحمة راس كبيرة وقابلت واحدة بنت بلد بجد وقولتلها عايز راس ومش عايز المخ لأنى مابحبوش وبعدها بحاجات بسيطة جه واحد عايز يشترى مخ بس، بيقولها لو سمحت انا عايز مخ بس طازة فكان ردها عليه مضحك جدا. قالت له في مخ طازة لسة طالع حالا من دماغ الأفندى دا وفعلا كان رد الفعل مضحك جدا”.

ومن الحاجات الحلوة اللى في حياتى كان أول مبلغ عملت بيه ايه روحت اشتريت قلم حبر ماركة أبانوس كان قلم معمول من العاج ومتميز فعلا وكان بجنيه ساعتها.

وعن أول حب قال العلايلي: أول حب في حياتي، كان عندى ١٢ سنة كان حبى صبيانى وأول علقة في حياتى كانت عشان مش بسمع كلام المدرس وكنت عنيد جدا وأنا طفل وأول ما قال لأبويا في البيت كان سبب في علقة كبيرة، الحقيقة أنا اضربت كتير وأنا طفل كنت شقى جدا.

وأول فشل لى كان على خشبة المسرح أنا ومجموعة من الأصدقاء أجرنا مسرح الأزبكية وكان عندنا عرض لمسرحية وجالنا جمهور كبير وحصلنا مبلغ ٢٥ جنيه وكان مبلغ كبير، وطلعت على المسرح ونسيت الدور وطلع ممثل تانى ينقذنى بقى نسى الدور برضو ونشوف الملقن نايم وكانت مسرحية فعلا

وعن أول فيلم قال: كان اسمه يسقط الاستعمار وأضاف بحب الرياضة جدا الأسكواش والسباحة والفروسية ومش بحب ألعاب العنف وكان من أهم المواهب اللى بحبها هى تقليد الفنانين.

الأمور التي تحدث حولك في ظهيرة هذا اليوم لن تجعلك تستطيع تمييز ما تفعل أو ما تقرر، خاصة أن المفاجآت كثيرة.