مواطن مصري يروي تجربته مع أسوأ شركة في مصر (صورة)

روى مواطن مصري يُدعى أحمد، تجربته مع أسوأ شركة تعامل معها في مصر

وكتب أحمد عبر فيس بوك: "بحكي تجربتي مع اسوء شركة اتعاملت معاها في مصر من 9 أيام بالظبط رحت اشتريت موبايل شاومي ريدمي نوت 10 برو من موزع معتمد وبعدين استخدمته ولقيت فيه مشاكل كتير منها بيهنج وبيسرب شحن بطريقة مبالغ فيها مع وضع توفير الطاقه ومفيش اي برامج في الباكجروند يعني الشحنه بالليل 100% الصبح يبقا 75% حتى مبسيش الداتا مفتوحة ولا واي فاي".

وآضاف أحمد:" رحت فرع الشكاوى اللي في شارع عبد العزيز بكل برود خدو الجهاز فل باكيدج ولو فيه عيب صناعه يا فندم هيتغير انما هو قسم الفحص هيفحصه ويقرر".

وتابع:" بعدها بيوم اللي هو النهارده بعتولي رساله ع الفون أنه تعالى استلم الجهاز قلت اكيد جهاز جديد كلمت خدمة العملاء قالولي أنه هو نفس الجهاز عملوا له سوفت وإعادة ضبط مصنع واشتغل ومفيهوش مشاكل اخدت الفون وقلتلهم يعني هجربه ومش هلاقي فيه مشكله ! قالولي اه".

وواصل:" خرجت من عندهم والفرع قفل كان شحنة 21% ببص عليه كل دقيقه او اقل بينقص 1% لحد ما حوالي 15 دقيقه فصل من غير ما حد يلمسه ولا نعمل فيه حاجه ولا نفتحه حتى".

وأردف:" ف كده يعتبر شاومي بتقولي خلاص انت خدت الجهاز ومش هنرجعه وخد الجهاز بتاعنا البايظ وادفع تمنه ومش هنعمل فيه حاجه ولو عاجبك".

وأتم:" فياريت لو حد يعرف للموضوع ده حل يبلغني أو يمنشن حد صاحب قرار في الشركه لان الموضوع مستفز جدا ويعتبر نصب علني وانا مش هقبل بده"