وزير النقل: مليون راكب يوميا يستقلون القطارات دون تذاكر

قال المهندس كامل الوزير، وزير النقل، إنه أصدر مكتوبا بعدم وجود أي قطار في المحطة دون وجود قائد داخله، أو أن يسلم القطار إلى الملاحظ، وكذلك يُمنع تسليم القطار إلى سائق الوردية، لأنه أسوأ سائق من حيث الأداء، وحصل على جزاءات كثيرة، وسيعمل سائق الوردية داخل الورشة فقط، لأنه إذا حدث خطأ لن يموت راكب واحد.

وأضاف وزير النقل، خلال تصريحات تليفزيونية، أنه في نهاية اليوم يجب أن يسلم القائد القطار إلى الصيانة متابعا: «مش الواد بلية ولازم تحافظ على القطر زي بيتك ما هو لو خرب هتقعد في البيت، وأنا بطلع قرارات مبتتنفذش، إنت عارف حادثة إسكندرية حصلت ليه؟ عشان السواق كان الواد بلية. لو كان سواق محترف كان هيخاف على الشغل، انتهى عصر إننا نركب الواد بلية القطر.. أرجوكم ساعدوني وأنا هساعدكم».

وأوضح وزير النقل، أنه يتم قطع مليون تذكرة يومية، ولكن هذا ليس العدد الإجمالي لركاب السكة الحديد، حيث يتم نقل نحو 3 ملايين شخص يوميا، من بينهم نصف مليون شخص فقط لديه اشتراك أو ضمن المحاربين القدماء أو لديهم اشتراكات أو أهالي الشهداء، متابعا: «مليون راكب بيركبوا السكة الحديد بدون تذاكر يوميا، كانوا بيقولوا زمان الشبابيك زحمة، بس زودنا الشبابيك وعملنا مراقب على الباب عشان يمنع دخول الناس القطر من غير تذكرة، وفي مفتشين بس غير منتظمين، عشان كده عملنا مراقب الباب، ممكن مثلا القطر يمشي من غير كمسري زي اللي حصل في كفر الشيخ مشي الساعة 6 الصبح وكل ده كان متصور صوت وصورة».

وواصل: «جبنا قطر روسي مميز من كفر الشيخ، ركب فيه الصحفي محمود، وقالي أنا الوحيد اللي قاطع تذكرة ومحدش جالي يشوف تذكرتي ولا بقى في غرامة، وقالي وصلنا قويسنا برضه ملقتش كمسري، وقالي أنا وصلت محطة مصري ومكنش في كمسري، والتسرب ده بيتم بسبب الراكب والموظفين في السكة الحديد، وكان في إهمال وبعدها طلعت تعليمات مكتوبة قولت اللي هيطلع هيجيب جزاءات أكتر هيبقى في حوافز بس برضه الأمور متغيرتش، بس غلظنا العقوبات فبقت المخالفة على التذكرة الدرجة الثالثة 10 جنيه، أما الدرجة الثانية فبقت 20 جنيه، والدرجة الأولى 30 جنيه، وناس تقولي ليه غلظت العقوبة كده أقول وأنت ليه بتزوغ».