شيرين عبدالوهاب : حسام حبيب قالي انتي بقيتي شبه أمك

كشفت الفنانة شيرين عبدالوهاب تعرضها للتنمر من قبل حسام حبيب، قائلة : "بعد ماعمل كل ده الاقيه بيتهمني ويتنمر عليا ويقلي تخنتي وبقيتي شبه أمك وأنا عاوز واحدة أتباهى بيها قدام الناس تبقى حلوة ورفيعة وكلام من ده بخلاف الخناقات التي تعرضت فيها للضرب والسحل على الأرض وشتيمة عمر مافي إنسانه تقلبها على نفسها ".

واضافت “عبدالوهاب” خلال مداخلة هاتفية في برنامج “كلمة أخيرة” المذاع على قناة ON: قائلة "لما تم طلاقي رجعتله وأديته فرصة أخرى بشروط وأن يكون مختلف فى بيت الزوجية وأن لايتعرض البنات لحالة نفسية سيئة وكان بيتردد على بيتي عشان فيه أستوديو تحت البيت وقتها وبينا شغل وحاولت أهيأ البنات أنه لازال موجود لحد ما تلاشت الوعود مجدداً ورجعت المشاكل وقلة الأدب بلا سبب ".

وإستطردت : أنا عندي مشكلة أني لما بتعصب بوصل لليفل صعب ممكن أذي نفسي ودكتوري إسمه محمود مرسي ممكن تكلموه تسألوه ونصحه بتركي لفترة حتى ولو ربع ساعة أو أني أدخل اوضتي شوية لحد ما أهدى لكن هو أصر في كل خناقة يفضل قدامي يحرق في دمي وأعصابي لحد ماأمسك الماكينة واحلق شعري ".