جيهان قمري: ياسمين صبري موزة جامدة.. لكن مش ممثلة شاطرة ومن غير فلوس ولا حاجة

كشفت الفنانة جيهان قمري، عن رأيها في ياسمين صبري، مشيرة إلى أنها لا تمتلك موهبة التمثيل، لكن لديها مقومات الجمال.

 

وقالت جيهان قمري خلال لقائها في برنامج نص الكلام المذاع عبر فضائية النهار: الفن مش تريند وأني راكبة طيارة خاصة والبس براند، وعمر ما الفلوس ما بتعمل بني آدم، البني آدمين هما اللي بيعملوا فلوس، لكن اللي مزعلني أن في ناس مش لاقيا تاكل والوضع الاقتصادي في الوطن العربي كله صعب، فمش كل نفس أصوره الأفورة وحشة، لكن ده لأنها بتتسلى، وهي ناجحة أنها تريند على السوشيال ميديا.

 

وأضافت جيهان قمري: أنا مش غيرانة منها أنا بحب شخصيتها، لكن مش بشوفها ممثلة شاطرة، أنا بشوفها ملكة جمال وموزة جامدة جدًا لكن لو شيلنا الفلوس مش هتعمل حاجة، ولو قارنا بينها وبين دينا الشربيني فدينا رائعة.

وتابعت: دلوقتي مفيش بطولة مش ضروري تبقي ممثلة شاطرة وجامدة علشان تبقي بطلة، لكن رأس المال ممكن يخليكي بطلة، وهي فرصة جت لياسمين وتبقى حمارة لو ما استغلتهاش، لكن محتاجة تشتغل على نفسها كممثلة، ناقصها إحساس بالدور، في تعابير وأحاسيس.

آخر أعمال جيهان قمري

 

وكانت آخر أعمال جيهان قمري مشاركتها في مسرحية نجوم الظهر والتي كتبها النجم محمد صبحي بمشاركة الكاتب أيمن فتيحة وديكور محمد الغرباوي، ومن بطولة محمد صبحي، بمشاركة كل من سميرة عبد العزيز وعبد الرحيم حسن وندي ماهر وميرنا زكري وكمال عطية ورحاب حسين وحمدي السيد ورحاب الشناط وداليا حسن ومحمد سعيد ومايكل وليم ومحمد شوقي طنطاوي ومحمد يوسف ومصطفي يوسف ومنة طارق وانجيلكا وليلى فوزي ووليد هاني ومحمود أبو هيبة.