قوة السوشيال : راوتر أورانج سحب فلوس وخدمة العملاء خارج الخدمة

كثرت الشكاوي الفترة الأخيرة من راوتر أورانج.

نشرت Aya El-Dawoud علي جروب The Power of Social Media - Consumer’s Experience ذا بور اوف سوشيال ميديا قائلة :طيب يا جماعة انا من حوالي شهرين كدة اشتريت راوتر home 4G بحوالي ١٥٠٠ جنية من شركة Orange و ده كان اول تعامل للأسف .. شحنت الراوتر من 5أيام واتسحب الفلوس من الڤيزا والباقة ماتجددتش ولا الفلوس رجعت وطول الايام اللي فاتت بتصل واقدم شكاوي وابعت الريسيت بتاع السحب ع الميل وكل يوم يتقالي رد غير التاني مرة مفيش شكوى اتقدمت ولا في ايميل اتبعت ومرة اننا بعتنا الشكوى والرد خلال ٢٤ ساعة واستني مكالمة من قسم الشكاوي ماحدش يعبرني ومرة ده مفيش مني استجابة وانا اصلا بفضل ع الويتينج كل يوم بالنص ساعة عشان حد يعبرني او يرد عليا والرد الأخير اللي استفزني فعلا ده عطل ف الأبلكيشن يافندم مش ذنبي !!! .. ده غير النت اللي مش بيكمل 20 يوم وشغلي اللي اتعطل بسببهم فا انا المفروض اتصرف ازاي ف موقف زي مع شركة orange اللي unprofessional بالمرة