صفاء جلال: اتشتمت عشان بنتي محجبة وفيه ناس مزاجها قلة الأدب

علقت الفنانة صفاء جلال على التعليقات السلبية والهجوم الذي تلقته خلال الفترة الماضية، بعد انتشار صور ابنتها سلمى المحجبة، وانتقاد صفاء لعدم ارتدائها الحجاب.

وقالت صفاء جلال ، على هامش حضورها فعاليات مهرجان همسة: بقيت مصيبة الشعب المصري أو جزء من الشعب، بقى مزاجهم قلة الأدب، اتشتمت إن بنتي محجبة وأنا مش محجبة، ربنا يسامحهم، بس أنا عايزة أقولهم، راعي لما تيجي تشتمني إني أم وعندي أولاد زوزج هيشوفوا اللي بتكتبوه، وعندي أم بتزعل على الكلام الوحش، لو أنا مش عاجباك متكتبش، وفر رأيك لنفسك، أنا باخد حسنات وأنت بتاخد ذنوب.

أما عن حضورها مهرجان همسة، أضافت: كل المكرمين المرة دي يستاهلوا أكتر من كده وكلهم أساتذة وبيعملوا أدوار مميزة جدا وأنا فرحانة ليهم، وجايه احتفل معاهم.

آخر أعمال صفاء جلال

شاركت صفاء جلال مؤخرًا في موسم دراما رمضان 2022، كضيفة شرف في مسلسل ملف سري، جسدت خلاله شخصية سيدة تدعى حنان.

وضم مسلسل ملف سري العديد من الفنانين، منهم: هاني سلامة، عائشة بن أحمد، دنيا عبد العزيز، رحمة حسن، إدوارد، ماجد المصري، محمد محمود عبد العزيز، محسن محيي الدين، الراقصة دينا، نضال الشافعي، مادلين طبر، صبا الرافعي، كارولين عزمي، صفاء جلال، والمسلسل من تأليف محمود حجاج، وإخراج حسن البلاسي.