والد عريس الإسماعيلية: كنت بديها الفطار بأيدي.. ومكنتش بتحب تقرب من ابني

قال والد زوج مها المعروفة إعلاميًا بعروس الإسماعيلية، إنه زوج نجله لأجل إسعاده وليس تعاسته، مضيفًا: والد زوجة ابني قريبي.. ولما رحت عشان نخطبها مها كانت موافقة وزي العسل وانتهينا.

والد عريس الإسماعيلية: أقسم بالله مها دايما بتفتعل مشاكل مع جوزها

ورد والد زوج مها المعروفة إعلاميًا بعروس الإسماعيلية، في تصريحات تلفزيونية له، على الاتهامات الموجهة لنجله بشأن ضربها وحبسها قائلًا: وأقسم بالله مها دايما بتفتعل مشاكل مع نجلي.. ومكنتش بتحب تقرب منه وكانت تصرخ لما يقرب منها ووديناها لمشايخ قالوا مفيش حاجة.

وأضاف والد زوج مها المعروفة إعلاميًا بعروس الإسماعيلية: أنا كنت بديها الفطار بأيدي وبحاول احتواء مها، وبيتنا كله خير وعندنا كل حاجة.. ومحدش حبسها وكنا بنعاملها أحسن معاملة.. وأنا مموتش عشان ابني يضرب مراته، وأن سمعت مرة إن زوجة ابنى بتصرخ وكنت فاكر أن ابنى ضربها، ولكن لما طلعت قالت إنها تصرخ عشان الخلف ومحملتش من ابني لحد الآن.

وأكمل: كانت تستفز ابني عبد الله وتصوت في البيت ولمت علينا الناس راح ساعتها ضاربها بالقلم على وشها.. ومها أساسا مكانتش بتاكل ولا بتقعد معانا وكنت بقولها أنا بمثابة أبوكي التاني وكلنا هنا بنحبك.. بس دي مريضة للأسف.