سميرة عبد العزيز: «استنجدت بالله فاستجاب لي» (فيديو)

ينشر موقع «السُلطة»  الإخباري مجموعة من اخبار البرامج فى شهر رمضان المعظم، واليكم التفاصيل
 

كشفت الفنانة القديرة سميرة عبد العزيز، عن موقف استنجدت فيه بالله سبحانه وتعالى واستجاب لها في نفس اللحظة، وذلك خلال حوارها في برنامج "كلم ربنا"، مع الكاتب الصحفي أحمد الخطيب، والذي يُذاع على راديو 9090، حيث ذكرت أنها تستنجد بالله في كل شيء وخاصة عند إقدامها على أي عمل جديد، وتدعي "يا رب وفقني فيه يا رب أكون اختارت صح".

وقالت "عبد العزيز": "حصل في حياتي موقف حسيت إن ربنا سامعني وأنا بستنجد بيه، كنت مسافرة خارج البلاد وقمت بشراء سيارة من فرنسا وعاوز أجبها مصر، قالولي روحي بيها لحد الميناء واقفي على رصيف 18 وسيبي العربية واركبي المركب وهتنزلي أنتي والعربية على الإسكندرية".

وأضافت: "العربية ركبت القطار من باريس، وجبت سواق جزائري عشان يسوقها لحد الميناء، لاقيته ماشي في سكة تانية خالص غير طريق الميناء، ولا يتجه نحو الميناء من الأساس ووقف في مكان صحراء وصخور كبيرة، ووقف العربية وقالي هاتي الفلوس ادتله الفلوس، وأخذ كمان البلطو بتاعي".

وتابعت: "قعدت أعيط وأدعي وأقول يا رب انقذني هروح فين دلوقتي، وبقيت أصرخ وأقول يا رب، وهو بيجري بعد ما أخذ البالطو والفلوس، اتكعبل ووقع عليه حجر، وبقى يستنجد بيا، روحت عشان أساعده معرفتش لأن الحجر كان تقيل، فجأة لاقيت الشرطة ورايا ساعدوه وحكيت لهم على الموقف".