بين موافق ومعارض .. وصلة رقص لمنتقبة تثير الجدل على السوشيال ميديا

تداول رواد موقع التواصل الاجتماعي، في الساعات القليلة الماضية، صورًا لفتاة ترقص في أحد الأفراح الشعبية وهي ترتدي النقاب، مما أثار استياء السوشيال ميديا، واتهمها البعض بعدم احترام الأخلاقيات والذوق العام .

وانقسم رواد "السوشيال ميديا" إلى فريقين الأول يزعم أن الفتاة المنقبة كانت ترقص برفقة أصدقائها الفتيات فقط في فرح مخصص للسيدات، والآخر أنها كانت في فرح يجمع بين الرجال والسيدات.

وعلق رواد السوشيال على الواقعة وقال محمد كمال: "على فكرة كانت بترقص مع بنات في دايرة مقفولة مفهاش رجل واحد العيب على اللي صورتها ونزلت الفيديو".

وأضافت زوز عبد الستار: " أكيد اللي صورتها بنت فأكيد مش مدية خوانة بس دلوقتي الخصوصية اضربت بالنار .. ليه كده".

فيما علقت جيسي محمد:" معلش يعني ايه دايرة ومقفولة المكان واضح أنه شارع وده وارد أي حد يشوفها أو يصورها زي ما حصل كمان، ده مش لبس منتقبات من الأساس دا تشويه ، معرفش ليه هي ازاي تداري وشها وتلبس ضيق كده، أنا برفض من الاساس يتقال عليها منقبة".

بينما علقت عبير صالح:"حسبي الله ونعم الوكيل في كل ظالم يارب".

وقالت شيرين عامر: رغم أن الموضوع لا يعني أحد على الإطلاق لكن لو دي منقبة ودي حفلة بنات اكيد شالوا النقاب ولو دي حفلة عادية يبقى موقف غريب ان منتقبة ترقص احنا في زمن غير مفهوم.

وأكدت مروة طلبة: "لو دايرة مقفولة والمكان بنات بس طيب لابسة النقاب لليه شكله كان فرح عمومًا هى محترمتش النقاب وده واضح".