السيسي: مصر هتبقى حاجة جميلة بفضل جهد كل إنسان على أرضها

قال الرئيس عبدالفتاح السيسي ، على هامش زيارته اليوم للكلية الحربية، ولقاء طلابها، «عاوز أقولكم مصر بفضل الله هتبقى حاجة جميلة بفضلك يارب، وبفضلكم وبفضل عرق وجهد وإخلاص كل إنسان موجود على أرضها، لسة كتير أوي، وبنتمنى من ربنا، أنه يساعدنا أن احنا نعمله، وهنعمله بفضلك يارب، طول ربنا موجود معانا إن شاء الله كل حاجة هتبقى متيسرة».

وأضاف السيسي، في كلمة له أثناء زيارته إلى مقر الكلية الحربية ، الخميس، «وزي ما قولت قبل كدة وبكررها، من كام سنة كانت الظروف صعبة أوي، وكان ساعتها الموقف الاقتصادي قاسي أوي، فقولت الحديث القدسي اللي أتشرف أني أكرره تاني، لما الحق سبحانه وتعالى يقسم ويقول: (وعزتي وجلالي لأرزقن من لا حيل له حتى يتعجب اصحاب الحيل)، جلال الله حاجة عظيمة أوي، احنا بنتمسح في القسم دة، ان ربنا يساعدنا ويرينا فيه عجائب قدرته».

واختتم: «مرة تانية برحب بيكم، أهلا وسهلا، وكل سنة وأنتم طيبين، ومتشكر جدا، شكرا جزيلا».