السيسي لـ الإعلاميين: خلوا الناس تعرف إن بلدهم كبيرة

شدد الرئيس عبدالفتاح السيسي، على أن زراعة فدان الأرض بالمياه المعالجة، يتم من خلال محطات معالجة، مثل محطتي الحمام وبحر البقر؛ إذ تنشأ محطات للرفع ومحطات كهرباء من أجل توصيل الكهرباء، ثم معالجة المياه بأموال، ثم الأراضي التي تزرع تختبر، للتأكد أنها جاهزة للزراعة، وتعمل شبكة للري خاصة بها.

وأضاف الرئيس خلال مؤتمر صحفي على ضفاف قناة السويس، أن الفدان الواحد يكلف 200 ألف جنيه، والمليون فدان يكلفوا 200 مليار جنيه، و2 مليون فدان يكلفوا 400 مليار جنيه: «محدش حاسس.. الناس هتعرف منين، ومحدش هيقدر يقول الرقم ده إلا مايقرأ الملف بتمعن ويجمع كل التكاليف»، موجها توصيته للإعلام: «خلوا الناس تعرف إن بلدهم كبيرة، وبلد بفضل الله قادرة وميبقاش الكلام خبر كدا في جورنال.. أنا شوفت الملفات اللي كانت بتتعمل زمان وكانت بتتغطى بتقرير يومي ورسومات وبيانات دقيقة من المسؤولين المعنيين بالموضوع».