مجدي الهواري: أحمد السقا مالوش في العك ومتربي»

تضامن المخرج مجدي الهواري مع الفنان أحمد السقا في الحرب الكلامية التي شنتها ضده الفنانة مها أحمد، ووجهت له انتقادات لاذعة عبر مواقع التواصل الاجتماعي، ووصفته بأنه «ندل».

وكتبت مها احمد عن أحمد السقا، قائلة «بيني وبينه عيش وملح وزمالة، رُشحت في مسلسل بطولته، وكان بيقنعني بدور، ولما وافقت بعتولي دور تاني معرفوش، دور متعملوش واحدة مبتدئة، المفروض إنه عارف قيمتي الفنية وعارف إني إضافة له، اتهرب مني، وموقفش جنبى وباعني رغم إن الكل عارف إنى زي أخته.. ندل».

مجدي الهواري يدعم السقا: «صاحب صاحبه وجدع»

وكتب المخرج والمنتج مجدي الهواري، عبر حسابه على موقع التواصل الاجتماعي فيس بوك، قائلًا: «أشهد يا بني والله إنك راجل وكبير بتستحمل وتعدي طول عمرك، صاحب صحبك وعمرك مايفوتك واجب، أصيل ونضيف ومالكش في العك».

وتابع: «طول عمرك محترم وبتفهم في الصح، ميطلعش منك العيبةن وخصوصاً لو كان في حق ست، بتعرف تميز وتسكت وتفوت، يجيلك حقك من صحابك، قول من مين !! عد !، العشرة القديمة خط أحمر حتى لو خسرت ميت حق، بس ساعة الجد فاهم أصول شغلك وتحترم الصغير قبل الكبير، ومتربي وأهل بيتك ناس أكابر، ابن بلد وجدع من صغرك وإنت كبير».

واستكمل مجدي الهواري كلامه بقوله: «ولو في يوم حد زعلك، أو جِه عليك، بتعدي وتعمل حساب عيش وملح السنين، متسبش حقك بالأصول يامجدع والكل عارف، سايبها علي الله يابني والكل فاهم، يامعلم اللي زيك مفيش دلوقتي منه كتير، فاهمك وحاسس بك ياعم أبو ياسين، معلش فوت كمان المرة ديه».