عمرو أديب لفريق إعداد الحكاية: لو الأهلى جاب جول تانى متقولوليش

علق الإعلامى عمرو أديب، على تقدم النادى الأهلى على الترجى التونسى بهدفين مقابل لا شىء فى مباراة الإياب بالدور نصف النهائى من بطولة دورى أبطال إفريقيا.

وأضاف خلال برنامج "الحكاية" الذى يذاع على قناة "mbc": "عيب، أنا كنت عارف أن الأهلى هيكسب، الأهلى جاب الجون التانى، مبروك للنادى الأهلى، ولو جابوا جون تانى متقوليش بقى، فرحان ماشى تمام، بس مش كل شوية تقولى جابوا جون".

وقال: "ممكن الأهلى يجيب الجول الثالث على فكرة، ممكن وليد سليمان ينزل ويعمل ماتش عالمى ويرقص اتنين تلاتة ويجيب جول، أنا سيد عبد الحفيظ قالى أنه بيتفائل بيا وأنا كنت عارف".