عاجل.. نائب رئيس حياة كريمة تشكر الرئيس السيسي: فرحتنا النهارده لا توصف

وجهت عهود وافي، نائب رئيس مجلس أمناء مؤسسة «حياة كريمة»، حديثها للرئيس عبد الفتاح السيسي خلال حضوره المؤتمر الأول لـ «حياة كريمة»، قائلة: «حلفنا أننا مش هنسكت، هنكون في ظهر حضرتك نشتغل على الأرض عشان نحقق الهدف وكل أهالينا في مصر يعيشوا الحياة الكريمة اللي بنحلم بيها».

وأضافت خلال كلمتها في المؤتمر الأول لمشروع «حياة كريمة» لتطوير الريف المصري، المنعقد في استاد القاهرة، ويبثه التلفزيون المصري، وعدد من القنوات الفضائية المصرية، اليوم الخميس: «اسمحلنا نوجه لحضرتك كل الشكر والعرفان والتقدير، إننا نكون شرف من جزء من خطة تنمية متكالمة لكل قرى مصر، فرحتنا النهاردة لا توصف».

وتابعت: «بعد سنتبن من إطلاق المشروع فرحانين أن تكون كل الجهات الشريكة اللي اشتغلت ايد بإيد موجودة في مكان واحد في وسط اهالينا من محافظات مصر، عشان نحتفل باللي انجزناه ونتعاهد إننا نكمل المشوار للنهاية، شعور بالفخر كلنا حاسين بيه، كل عامل وكل مهندس وكل موظف وكل متطوع وكل مصري شارك في الحلم نوجه ليكم كل التحية والتقدير».