منة عرفة تتغزل في زوجها بكلمات رومانسية

تغزلت الفنانة منة عرفة في زوجها محمود المهدي بكلمات رومانسية عبر حسابها على موقع الصور إنستجرام عبرت خلالها عن حبها الشديد له.

ونشرت منة عرفة صورة لها برفقة زوجها وكتبت قائلة: إلي زوجي ورجل أحلامي.. في كل موقف صعب بيعدي علينا بتثبت لي فيه انك رجل مفيش منه كتير وفي كل لحظة حلوة بتعدي مابينا بنبهر ب قد ايه انا إنسانه محظوظة وربنا بيحبني عشان رزقني براجل زيك، انت السعادة والفرحة والأمان الي كنت محرومة منهم عشان مكنتش في حياتي يا حياتي، انت هديتي من ربنا اللي كل يوم وكل لحظة بشكر ربنا عليها، انت العوض اللي كنت مستنياه طول حياتي، غيرتني وغيرت حياتي كلها للأحسن، جيت بدلت كل الحزن والوجع والخوف ب حب وأمان واستقرار وذكريات حلوه زيك ، انت أرجل وأجدع وأحن وأحلي راجل انا شفته في حياتي".

واختتمت منة عرفة: "ربنا يديمك أحلي نعمه في حياتي ويخليك ليا وميحرمنيش منك ويحميك من كل شر ويسعدك ويفرح قلبك زي ما دايمًا بتفرحني، كل الكلام دا ميوصفش 1% من حبي واحترامي ليك بجد.. بحبك يا توأم الروح والشكل يا من تنتمي له روحي ووجداني وهويتي".