سيدة تتضرر من دايموند موتورز بسبب انقلاب اللانسر شارك

تضررت سيدة من توكيل شركة دايموند موتورز الخاص بسيارة ميتسوبيشي لانسر فئة الشارك، بعد حدوث مشاكل في سيارتها بعد شرائها مباشرة.وتعرضت السيدة سماح علي إلى حادث انقلاب السيارة نتيجة خروج أحد إطارات السيارة من مكانه أثناء سيرها.وقالت السيدة عبر صفحة Power Of Social Media: "انا اتقلبت بعربيتى لانسر شارك 2017 يوم 11/9/2017 نتيجة ان العجله طارت بالدشمه و شاسيه العجله كلها- هشرح بداية بسيطه للعربيه.

وأضافت: انا اشتريت عربيتى يوم 9/5/2017 و كان فيها مشكلة اكتشفتها فى صيانه 10000 كم متر ان العربيه بتحدف يمين و الطاره فيها هزة شديدة و العربيه بتيجى عند 100 وتغربل جامد وعملت شكوى فى التوكيل "مركز صيانه دايموند موتورز - طريق اوتوستيراد المعادى" و عملت صيانه يوم 8 يوليو 2017 و نتيجة الصيانه ان العربيه جديده و محتاجه تتظبط العفشة بتاعتها قلت ماشى

واستكملت: مافيش بعدها بايام حصل نفس المشكله وعملت شكوى تانى فى صيانه 20000 كم متر يوم 29/8/2017 بس المرة دى كانت مخيفه جدا و اتصلت على الخط الساخن بستنجد بيهم وقولتلهم بنفس اللفظ انا خايفه انى هتقلب بالعربيه بسبب غربلت الشديده بالعربيه و اخد معاد صيانه برده فى نفس مركز الصيانه دايموند موتورز - طريق اوتوستيراد المعادى" و نتيجه الصيانه ان تيل الفرامل عايز يتغير قولتلهم حاضر و دفعونى تمن التيل و المصناعيه كمان

وتابعت: وللاسف كل مخاوفى حصلت بس لم قلت انى خايفه اتقلب بالعربيه مكنتش عارفه انها ممكن توصل لكده بروح التوكيل علشان امشى بالعربيه بامان مش يموتونى

وأتمت: اتقلبت بالعربيه يوم 11/9/2017 يعنى يعد تركيب التيل بعشرة ايام بس اللى حصل بقى العجله طارت بالدشمه و شاسية العجله بالكامل و للعلم انى متخبطش فى اى عربيه خالص

وبعد مرور عشرين يوم تقريبا تقرير جامعة عين شمس قال ان العربية مافيهاش عيب صناعه و سبب الحادثه ان العجله كانت نايمة و مجبوش سيرة عن مركز الصيانه و المصيبه اللى حصلت و اللى حصلى كله ماااات و خلص الموضوع على كده