«لازم بي تك تختفي من السوق المصري».. عميل يوضح السبب

شكى مواطن مصري من شركة بي تيك، بسبب شرائهه سخان غير مطابق للمواصفات من الشركة، مؤكدًا أن بي تك يجب أن ترحل من السوق المصري. 

وقال المواطن أحمد عبر فيس بوك: "مشكلتي مع بي تيك ..انا طلبت سخان اوليمبيك 50 لتر ديجيتال من بي تيك يوم14 نوفمبر ، 18 نوفمبر السخان وصل بس طلع ميكانيكال (عادي) استلمته ودفعت فلوسه واكتشفت ده بعد ما مندوب اراميكس مشي واكتشفت كمان ان السخان فيه مياه ومكان المخارج متشوه وورقه الضمان مبلوله وفيه ورقه في السخان مقطوعه وشكل العلبه الظاهري ان المنتج قديم ومستعمل كل ده مشغلنيش وقولت عادي هعمل شكوي (منتج غير متطابق مع المواصفات) وهسترجعه زي اي اوردار اونلاين بيجي من شركه محترمه".

وأضاف أحمد:" بس اللي حصل عكس كده كلمت خدمه العملاء في ساعتها وبلغوني اني اصور المنتج وابعته علي الواتساب وده حصل واخر حاجه ان الكلام كان علي تواصل معايا في خلال 48 ساعه عمل ومحدش اتواصل اتكلمت بعدها علشان اعرف ايه المشكله في التاخير قالولي استعجال للشكوي وهيتم التواصل معايا ومحدش اتواصل وكل مره اطلب اتواصل مع مسؤول يقولولي مشغول في مشاكل عملاء تانيين وبالحرف قولتلهم انتوا مشاكلكم كتير بقي الموظف قالي التزم بثياق المكالمه الكلام ده قعد 12 يوم لحد ما عملت شكوي في حماية المستهلك ولحد دلوقتي مفيش اي جديد .. بجد تجربه زفت مع شركه زباله تستحق انها تختفي من السوق المصري بسبب حقارتها في التعامل مع شكاوي العملاء ومع عدم التزامها في المنتجات المعروضه انا عايز اخد حقي والمنتج ده يستلموه واخد فلوسي ".