عاجل.. السيسي يكشف موعد زيارته «توشكى»

كشف الرئيس عبدالفتاح السيسي، عن توجهه لزيارة مشروع «توشكى» الأيام المقبلة، قائلا: «لما هنروح توشكى خلال يومين، وهنفتتح هناك الشغل، هنرد غيبة ناس مش موجودة خالص دلوقتي، لية هو منجحش من 20 سنة لما اتعمل ولية هو نجح دلوقتي؟».

وأضاف «السيسي» خلال افتتاح سلسلة من المشروعات القومية الجديدة بمختلف القطاعات بصعيد مصر، اليوم السبت، أن مدينة الروبيكي هو نموذج متكامل قابل للنجاح في ظل التطور الذي حدث ليس في مصر فقط ولكن في العالم أجمع.

وتابع: «فيه ناس هتاخد منك منتج وهيقولك أنا عاوز أطمن للاشتراطات البيئية بتاعتك انت عامل فيها إيه؟ وبالتالي ممكن تكون البضائع دي تكون كويسة لكن يصعب نفاذها في الأسواق الخارجية».

وواصل: «انا قصدت بحاجتين اتكلم فيهم هنا، لما اتكلمت عن الروبيكي على أن تجربته منجحتش إلا لما الدولة دخلت»، متابعا: «المهندش طارق قالي مش قادرين ننقل الناس، فقولتله أنت عاوز إيه؟ قالي ننقلهم على حسابنا، قولتله يعني عاوز كام؟ قالي في حدود 100 مليون جنيه، قولتله حاضر ننقلهم على حسابنا»

وتابع: «لما حد يسمع الكلام دة يقول إنتو بتدلعوا، يعني بتديله مكان كويس وبتقوله يلا تطور، أنا بحترم ثقافته ومكانه اللي فيه وبحاول أخده على أد تجربته، أنا اللي شايف الصح وأنا صاحب المصلحة إن البلد تطلع لقدام، احنا كلنا اللي شايفين إن من المصلحة الناس تطلع لقدام والناس تكبر وتغنى».

ويستكمل الرئيس عبدالفتاح السيسي، اليوم السبت، ما يُعرف بـ«أسبوع الصعيد»، ومن المقرر أن يشهد اليوم، حدثاً تاريخياً عبر افتتاح عدة محاور لربط شرق النيل بغربه في نطاق محافظات الصعيد، خاصة أنَّ الفترات الماضية كانت تشهد صعوبة في الانتقال بين الضفتين، ما كان يحتاج إلى عدة ساعات، وكان هذا الأمر يبطئ جهود التنمية في الشق الغربي من محافظات الصعيد، والصحراء الغربية بصفة عامة، لكن هذا الأمر يصبح من الماضي حالياً، وفق ما ذكرت مصادر لـ«الوطن».