من داخل الكاتدرائية.. 6 رسائل من الرئيس السيسي للمصريين.. ويؤكد: ”ربنا اللي حامي البلد” (فيديو)

رسائل عديدة وجهها الرئيس عبدالفتاح السيسي، للمصريين خلال مشاركته فى قداس عيد الميلاد بالكاتدرائية بالعاصمة الإدارية الجديدة.

وقال الرئيس السيسي: "أنا عاوز أقولكم على حاجة، أنتم متعرفوش حجم التقدير والاحترام اللي بكنه لقداسة البابا تواضروس، خلي بالكم الرجال بتوزن في المواقف والظروف الصعبة جدا، وإحنا مش عاوزين نتكلم في حاجات مالهاش لازمة، بقولكم خلي بالكم منه، وكل سنة وأنتم طيبين وعيد سعيد".

وأضاف: "مش عايز أخد وقتكم عشان قداسة البابا تواضروس، وتحتلفوا بعيدكم، كل سنة وأنتم طيبين، وأنتم في رحمة ونعمة من الله عز وجل".

وتابع: "مش عاوز أطول أكثر من كدة، بس عاوز أقولكم أن الجمهورية الجديدة هى جمهورية الحلم والأمل، جمهورية العلم والعمل، المسالمة وليست المستسلمة، هنبنيها مع بعض، أى تحدى وأى صعاب تهون لو كنا على قلب رجل واحد، كل عام وأنتم بخير ومصر بخير والدنيا كلها بخير، كنت أتمنى أسلم عليكم كلكم واحييكم كلكم، ربنا يحمينا ويحميكم من الجائحة قداسة البابا كل سنة وأنت طيب".

وأشار الرئيس إلى أن الطريق الذى بدأناه زى ما بنقول وسمعتم يمكن الجمهورية الجديدة تتسع للجميع تتسمع لنا كلنا دون أى فرق وتمييز نعيش فيها بسلام وأمان مع بعض .

وتابع الرئيس عبد الفتاح السيسى خلال كلمته : "اللى حامى البلد دى ربنا سبحانه وتعالى".

واختتم: ندعوا الله دائما أن يكمل لنا وهو من يسبب الأسباب مش عاوز أطول أكثر من كده بس عاوز أقولكم ان الجمهورية الجديدة هنبنيها مع بعض أي تحدى أي صعاب تهون لو كنا على قلب رجل واحد كل عام وأنتم بخير ومصر بخير والدنيا كلها بخير كنت أتمنى اسلم عليكم كلكم واحييكم كلكم ، ربنا يحمينا ويحميكم من الجائحة قداسة البابا كل سنة وانت طيب .