لهذا السبب.. خالد الجندي يلقن شيخًا درسًا قاسيًا على الهواء (فيديو)

هاجم الشيخ خالد الجندي، عضو المجلس الأعلى للشؤون الإسلامية، شيخًا يدعي انتسابه للأزهر الشريف، بعد تصريحاته وطعنه فى صلاحية القرآن الكريم لكل زمان ومكان.

وقال الجندي، خلال برنامجه "لعلهم يفقهون"، المذاع على فضائية "dmc"، اليوم الأربعاء: "عشان تعرفوا إن فى أخطاء عندنا ومفيش حد منزه عن

الخطأ، كلنا عندنا أخطاء، بس لازم نصحح لبعض، ونتقبل هذا من بعض، لكن يعنى بجد واحد بيقول القرآن غير صالح لكل زمان ومكان، نقوله أنت نفسك غير صالح لهذا الزمان، ونقوله عدم سقوط الحكم على حال المسلمين فى زمن يعنى انتفاء النفع وعموم الصلاحية، يعنى هو القرآن الكريم لا يوجد به إلا الرق، أنت عارف آخر الزمان وممكن يحصل فيه إيه".

وتابع: "يعنى لو انت تتبعت القوانين العجيبة الموجودة فى كل دول العالم دى، هتلاقي إن الحدود الإسلامية أرحم وأحسن منها، مقارنة بغيرها، لازم تعرف أن القرآن صالح لكل زمان ومكان، لكن الظرف ممكن يكون غير صالح، عيب لما تطلع على الهوا وتقول مستعد حد يناظرني هيناظرك فى إيه بس".