اعرفي الصفات يحبها الرجل في شريكة حياته

استعرضت الإعلاميات منى عبدالغني وهبة الأباصيري، وإيمان عز الدين، صفات يتمناها كل رجل في شريكته، في حلقة اليوم، الاثنين، من برنامج «الستات مايعرفوش يكدبوا»، على قناة CBC.

وقالت الإعلامية هبة الأباصيري: «أول حاجة إنك يبقى عندك قدرة تسمعيه وتشاركيه ويبقى خُلقك واسع مش ضيق»، وردت منى عبدالغني: «تاني حاجة إنك متبقيش مشغولة عنه دايما وتحسسيه إنه أهم أولوياتك، مثلا لو هتعملي معاد مع أهلك وأصحابك».
بينما علقت الإعلامية إيمان عز الدين، قائلة: «لما يكون راجع من الشغل وعاوز يحكي ويفضفض ويتكلم اسمعيه، لأنك لو مش سمعتيه هيشوف حد يسمعه، اسمعي كتير واتكلمي قليل، وهو نازل في شغله فطريه بدل ما تيجي زميلته جايبة له قهوة أو سندوتشات أو شوكولاتة والمسألة تفرط من ايدك، لازم ينزل من البيت شبعان من كل حاجة».

معاملة الشريك باحترام
وأكدت منى عبدالغني، على أهمية تعامل الزوجة مع زوجها باحترام: «الراجل شريكة حياته لازم تحترمه كويس وتقدر كل حاجة بيعملها ويقدمها عشانها، لازم نحترم رأيه ونسمعه كويس أوي وأسمع أكتر ما اتكلم"، لافتةً إلى أنّ الرجل يريد من يشاركه في أفكاره ويصغي إليه باهتمام».

التسامح والتغافل
ولفتت هبة الأباصيري، إلى ضرورة أن تكون الشريكة متسامحة ومتغافلة: «الرجل يعتبر الست المتسامحة رزق، لأنه مع الوقت يقدر يعدي معاها أزمات ومشكلات كتيرة لأنها من النوع اللي بتختار المعركة، ومش بتتخانق ليل ونهار في أي حاجة».