”مخدتش حد من حد”.. دينا الشربيني تتصدر الترند بعد تصريحات مثيرة للجدل

تصدرت الفنانة دينا الشربيني في الساعات الماضية، ترند وسائل التواصل الإجتماعي، بعد تصريحات مثيرة للجدل لها في لقاء لها ببرنامج "ABTALKs” الذي يقدمه الإعلامي أنس بوخش، خلال برنامجه على «يوتيوب».

تحدثت الفنانة دينا الشربيني عن طفولتها وقالت "طفولتي كانت حلوة أوي لحد الجامعة، وأنا كنت طفلة شقية وعندية جدًا وزنانة، وبقول يا رب عيالي ميطعلوش زنانين زي لو خلفت، وأهلي كانوا كويسين أوي وأصحاب بالنسبة لي، وبابا كان بيسافر كتير، وصحابي حاجة مهمة أوي لي".

أما بالنسبة لعدد مرات وقوعها فى الحب فقالت :"أنا حبيبة، و أؤمن بالحب من أول نظرة، ولكن شعور الحب سلاح ذو حدين، ففي أوقات كثيرة أقول أنني لن أحب مرة أخري".

اليوتيوبر يوسف شعبان يكشف أرباحا جديدة مقدمة للمصريين من يوتيوب حكيم يكشف موعد طرح أغنيته الجديدة «قول الله» "اليوتيوب" يمنح قناة MBC مصر الدرع الماسي تقديرًا لتخطيها الـ10 مليون مُشترك

وعند سؤالها عن اذا كانت ترى نفسها ممثلة جيدة اما لا قالت :" "معرفش إذا كنت بعرف أمثل ولا لأ ولحد دلوقتى أنا ممكن أبقى بمثل زفت".

وعند سؤالها عن اتهامها بخطف رجل متزوج من أسرته قالت "مش على راسى بطحة أو أنه لازم أطلع أدافع عن نفسى، مع إنى عارفة ان ممكن يبقى ناس كتير كرهونى بسبب الموضوع ده".

وتابعت:"انا مخدتش حد من حد ، ومن سنتين في كلام كان بيتقال عني، إني أخدت حد من حد وكدا، وده مكنش حقيقي خالص خالص، وفي الوقت ده كل صحابي كانوا بيقولولي قولي إن الموضوع التاني ده كان خلصان من سنين طويلة، وإن مفيش حاجة وهما مش مع بعض، ورغم كده قررت إني متكلمش".

وأضافت: "مرضتش أطلع أتكلم، عشان مش حياتي لوحدي، ومش هقدر اطلع أتكلم عن حياة 3 أشخاص، واحنا كنا مع بعض، وبالمناسبة أنا وهى صحاب جدا، ولحد دلوقتي، وناس كتير كرهوني بسبب الحوار ده اللي هو مش حقيقي".

وأكملت دينا الشربيني:"بان بعد فترة، إن أنا والبني آدمة اللي كانوا قايلين إني أخدت منها جوزها، إن احنا صحاب، ومكنش حقيقي اللي بيتقال، ولا وجود له من الصحة".

و فى نهاية الحوار طلب منها المقدم أنس أن تلخص والدتها ليلى فى كلمة واحدة فعبرت دينا الشريني عن والدتها ليلي بالحنان، ام والدها محمد فلخصته بـ " القلب " ووجهت لهم جملة لم تكن لها فرصة من قبل أن تقولها لهم: "عايزة اقول لامى هى مش عارفة انا بحبها قد أيه بجد بجد وأن انا مكنتش اتمني حد يكون أمي غيرها بجد ، أبويا هو عارف هو بالنسبة لى ايه وعايزه اقوله شكراً انه ابويا وشكراً على كل حاجة وقف جنبي فيها وسامحني فيها ".