عاجل.. المتهم بهتك عرض فتاة بالجيزة يعترف.. والنيابة تحيله للمحاكمة

اعترف المتهم بهتك عرض فتاة لم يبلغ عمرها الـ 17عاما بالجيزة بجريمته، ونفى محاولته خطفها أو ارتكابه الجُرم غصبا عنها.

وأحالت النيابة المتهم للمحاكمة الجنائية لخطف الطفلة وهتك عرضها، وقال المتهم: كنت معاها بس برضاها وكنت عارف انها طفلة وانا مخطفتهاش ودى كانت لحظة شيطان..

وقام المتهم باستدراج المجني عليها لمحل عمله وايهامها بالزواج منها، وقال إنه كان يعمل في النجارة وسقط من الدور الثالث بعدها عمل في مركز تأهیل ریاضی "جیم" في مول شهير في التجمع ثم في فروعه بأكتوبر والشيخ زايد ثم عمل هاوس كيبينج في كمبوند شهير بالقاهرة الجديدة.

وقال المتهم أمام النيابة:اتعرفت على المجني عليها عن طريق وحدة قريبتها كنت رايح أتقدم لها واترفضت.

وأضاف: جابت رقمي وحاولت التواصل معي على الواتس اب وكلمتني في الهاتف لأول مرة منذ حوالي 5 شهور.. وكنا بنتكلم كلام عادي ولقيتها بتقولى إنها معجبة بيا وأنا كمان قولتلها انا معجب بيكي وبدأنا نحب في بعض على التليفون من غير مانشوف بعض وكلمتها مرة فيديو كول على برنامج وقعدنا نتكلم شهور واتفقنا نتقابل يوم وفعلا نزلنا واتقابلنا في المنيب في الموقف.

واستطرد كلامه: خرجنا وقالت" أنا مش هروح عشان أنا مش عايزة أرجع لأبويا عشان هو عايز يجوزها ابن عمها تقريبا وهي مش موافقة وقالتلى انها خايفة تقولي أحسن أسيبها وقالتلى لو عايز ترمینی وتسيبنی براحتك قولتلها أنا مش هسيبك.. قولتلها تعالى نروح مدينتي أنا رايح الشغل بس دا بناء على طلبها لان هي ماكنتش عايزة تروح وفعلا خدتها معايا وروحنا الجيم اللى انا شغال فيه وقعدتها في أوضة المخزن وروحت انا اشتغلت ورجعتلها الساعة 2 بليل، وأول لما دخلت عليها الاوضة جبتلها مرتبة عشان تنام عليها وكنت معاها.. وتاني يوم آخر اليوم وصلتها تركب المنيب وروحت وبعد كدا لقيت المباحث جت خدتني.

وأمرت النيابة بحبس المتهم إلى أن تم إحالته للمحاكمة الجنائية

عقوبة هتك العرض

ونصت المادتين (268) و(269) من الباب الرابع بقانون العقوبات، على أن يُعاقب بالسجن المشدد، كل من هتك عرض إنسان بالقوة أوبالتهديد أو شرع في ذلك، وإذا كان عمر من وقعت عليه الجريمة المذكورة لم يبلغ 18 سنة ميلادية كاملة أو كان مرتكبها أو أحد مرتكبيها ممن نص عليهم في الفقرة الثانية من المادة (267) "الفاعل من أصول المجني عليه أو من المتولين تربيتها أو ملاحظتها أو ممن لهم سلطةعليها أو كان خادما بالأجر عندها أو عند من تقدم ذكرهم، أو تعدد الفاعلون للجريمة"، تكون العقوبة السجن المشدد مدة لا تقل عن 7 سنوات، وإذا اجتمع هذان الظرفان معا يُحكم بالسجن المؤبد.