نجل فكري صادق يعتذر لأسرة سعيد صالح: ”راعوا كبر السن والعفوية في الكلام”

حرص الفنان مراد فكري صادق، عن الدفاع عن والده بعد الهجوم عليه مؤخرا، بسبب تصريحاته عن الفنان الراحل سعيد صالح، حينما قال أنه فنان عادي.

وقال مراد فكري عبر حسابه الشخصي على «فيسبوك»:"أختى الغالية و الفنانة بنت الأصول هند سعيد صالح طبعا انتى تعلمى جيدآ عشقى واحترامى وتقديرى للنجم الكبير سعيد صالح وتاريخه منذ صغرى حنى تخرجنا أنا وأنتى من سنين زملاء وأخوات من المعهد العالى للسينما".

وأضاف: "أحنا أكبر من اننا نتكلم على صفحات الفيس بوك يا بنت عمى وعمنا كلنا، ووالدى بنفسه قال فى كذا لقاء قبل كدة أن علاقته بالفنان سعيد صالح وعادل إمام كانت علاقة صداقة بعيد عن الفن واشتغلوا سوا كتير وكل واحد مننا ممكن يقول كلمة عفوية دون قصد غلط .... و خصوصآ لما تتطلع الكلمة من جيل والدك و والدى لأن دة جيل عظيم و فاهم و واعى و خصوصآ انهم جيل واحد كمان و الجيل دا معروف بالحب أصلا لحد دلوقتى كمان".

تفاصيل جديدة عن مسرحياته.. أبرز محطات حياة سعيد صالح في ذكرى وفاته تعرض للسجن مرتين ولقب بـ"سلطان الكوميديا".. في ذكرى ميلاد سعيد صالح تعرف على أبرز محطاته مكالمة من ريحة الحبايب.. عادل إمام يطمئن على نجلة سعيد صالح

وتابع حديثه قائلا: "وإن كانت كلمة طلعت غلط أو سوء تفاهم حصل بشكل مفاجئ مش معناه أنه غلط لا سمح الله فى الأستاذ سعيد أو بيقل من شأنه رحمة الله عليه و راعوا يا جماعة كبر السن و العفوية فى الكلام للناس الكبار ... الناس دى فنانين كبار و اكبر من اننا نلوم عليهم او نحاسبه بالكلمة ... لأن سعيد صالح دة نجم كبير و فكرى صادق فنان كبير برضو .. و شكرآ المهتمين و عارفين ان دة مش طبع والدى و ان عمره فى الوسط الفنى ما حد زعل منه".

وأكمل: "الحمد لله احنا ناس فى حالنا مش بتوع مشاكل ولا تريند علشان الناس تعرف مين فكرى صادق أو نقيس بالتريند شعبية نجم كبير زى الاستاذ سعيد صالح ؟؟؟ و ربنا يرحم الجميع كل من عليها فان يا جماعة و كلمة ( فنان عادى) كلمة لا تقليل شأن ولا سب و قذف لأي حد.

وتابع في كلامه:"وانا بيربطنى صداقة و زمالة مع اختى المونتيرة المبدعة (هند سعيد صالح) من خلال المعهد العالى للسينما و انا من عشاق النجم سعيد صالح و اشتغلت معاه مسلسل و كان انسان جميل و دمه زى العسسسل و قعدنا اتكلمنا كتير عن ذكرياته هو و ابويا سوا كتير ... و رغم ظروفه المرضية الا انه كان قيمة كبيرة جدا فى المكان و الناس الكبيرة بيبقى معاهم عذرهم احيان كتير .. طالما لا يوجد اهانة او سب لا سمح الله .. يبقا الموضوع سؤ تفاهم و لازم توضيحه بشكل صحيح للناس فى اقرب وقت".

واضاف:" لكل عشاق النجم سعيد صالح و انا اولهم طبعآ بس احتراما منكم و رجاء و ليس أمرا من حضراتكم ... بلاش نكبر المواضيع و نشمت فى بعض بالسرعة دى و نعلق لبعض المشانق علشان ممكن الحكاية تتفخم و يبقا موقف و يزعل ناس و اخوات واصدقاء من بعض عشرتهم و صداقتهم قد عمر جيل كامل زى جيلنا الحالى ... و ستستمر العلاقة الطيبة بين الأبناء لأخر العمر بأذن الله و لن تتغير او تفسد بسبب كلمة او وجهة نظر اتقالت على الهوا بشكل عفوي.. دون مونتاج او تجميل للكلام من فنان له تاريخه وأعماله و عمره يتجاوز السبعين الحمد لله و هو والدى الفنان فكرى صادق والله يا جماعة إللى حصل دة بيحصل فى معظم البرامج المسجلة و بيحصل اكتر من كدة كمان و كلنا عارفين و فاهمين لكن برنامج الأستاذة لميس الحديدى .. برنامج على الهواء مباشرة لو كانت حلقة متسجلة ماكانش حصل كل ده ... الحمد لله و كامل اعتذارى بشكل اخوى لأختى الغالية هند سعيد صالح و للنجم الراحل سعيد صالح".