نادية الجندي: محدش هيعمل سيرتي الذاتية

كشفت الفنانة نادية الجندي عن إمكانية تقديم سيرتها الذاتية في عمل فني، مؤكدة أنه لا توجد فنانة مناسبة لتجسيدها، بجانب الحديث عن نجاحها في السينما.

وقالت نادية الجندي في تصريحات تليفزيونية: مفيش فنان يقدر يجسد سيرتي الذاتية مع احترامي للجميع، وأنا بشجع الدور الحلو برضه، وفيه فنانات كتير موهوبين مثل منى زكي ومنة شلبي، ولكن محدش مناسب لتجسيد سيرتي.

نادية الجندي: محدش بيقدر ينزل قصادي أنا وعادل إمام في السينما

وأضافت نادية الجندي: لما كنا بننزل أنا وعادل إمام مع بعض كل دور العرض بتبقى محجوزة لينا ومحدش تاني بيقدر ينزل قصادنا.. وفي النهاية الإيرادات هي اللي بتحكم على نجاح الفيلم، عكس التليفزيون ممكن نخدع الناس فيه.

وتطرقت نادية الجندي للحديث عن أصدقائها في الوسط الفني وعلاقتها بـ عماد حمدي، قائلة: محمود حميدة من أعز أصدقائي ومنة شلبي وسمية الخشاب وبتكلم مع ياسمين عبد العزيز وهند صبري وليلى علوي باستمرار وعندي صحاب كتير في الوسط الفني.

وواصلت نادية الجندي: تزوجت عماد حمدي وهو نجم مشهور وحبيت ساعتها نجوميته لأني كنت مراهقة 16 سنة ومعنديش خبرة ولا فاهمة يعني إيه راجل.. ووالدتي كانت بتيجي معايا التصوير لحد ما اتجوزته.

أما عن علاقتها بالمنتج محمد مختار، فعلقت نادية الجندي، قائلة: أنا ومحمد مختار حاليا أكتر من زوجين وعلاقتنا جيدة وهو أخ وصديق وبستشيره في كل شيء وانفصالنا قسمة ونصيب.