أرملة سعيد طرابيك: رفض مشاركتي في فيلم 8٪ لأني كنت هجسد شخصية رقاصة

تحدثت أرملة الفنان سعيد طرابيك، سارة طارق، عن أسباب رفضها المشاركة في فيلم 8٪ بعد عرضه عليها، مؤكده إن الرفض صدر من قبل زوجها الراحل سعيد طرابيك.

 

وقالت أرملة سعيد طرابيك: لما كان بيجيلي شغل كنت باخد رأيه لأنه فنان كبير، وكان اتعرض عليا فيلم 8 ٪ بطولة اوكا واورتيجا، وكان المفروض أجسد شخصية رقاصة والدور كان مركب، ولكنه رفض وقال للمنتج لا مش شبها ومش هتعمل الدور ده.

وأضافة، أن الراحل كان يضع لها بعض المعايير في الأعمال التي من المقرر أن تشارك فيها، معلقة: كان غيور عليا جدا وكان متفق معايا أن مفيش شغل هتشتغليه غير معايا أنا بس.

وتابعت: الموضوع كان صعب لأنه كان ممكن يدخل عمل أنا مليش دور فيه.. ولكن كنت بحترم وجه نظره لانه كان غيور لدرجة إنه لما كنت بروح التصوير كان بينزل معايا.

 

وتطرقت أرملة سعيد طرابيك، للحديث عن حقيقة وجود واسطه داخل الوسط الفني، قالت: الحقيقية مش عارفة موضوع الواسطه ده ولكن الحقيقية الشغل بيكون على حسب الموهبة لو أنا مثلا جوزي كان حريص إنه يدخلني الفن في الآخر اطلع أنا فاشلة مبعرفش أمثل والجمهور ميبيحبنيش فى المخرج ولا المنتج هيقبل بي ده.

وتابعت: معتقدش موضوع الواسطه ماشي في المجال، والناس دي أصلا مش بتدوم ممكن يشتغلوا آه ولكن بيقعوا على طول.

وعن راي الراحل سعيد طرابيك، فيها كممثلة: قالت سارة طرابيك: كان شايفني ممثلة كويسة.

فيلم 8٪

ويشار أن فيلم 8٪، تم عرضه عام 2013، وضم العمل العديد من الفنانين منهم، أوكا، أورتيجا، مي كساب، شحته كاريكا، أحمد سعيد عبد الغني، وهو من تأليف إبراهيم فخر، وإخراج حسام الجوهري.

 

 

أعمال سارة طارق

 

ويذكر أن سارة طارق، شاركت في فيلم عزبة ابو حشيش حيث بعد آخر أعمالها الفنية، ودارت أحداثه في إطار اجتماعي تشويقي، وضم العمل العديد من النجوم، منهم زينة الشريف، مجدي فكري، سعيد طرابيك، سارة طارق، شريف سمير، وهو من إخراج شريف سمير.