الزمالك أقل من الأهلي | ميدو يفتح النار بسبب توزيع عوائد البث في الدوري المصري

انتقد أحمد حسام ميدو فكرة توزيع عوائد بث المباريات على أندية الدوري المصري الممتاز بشكل منفرد.قال ميدو في تصريحاته عبر برنامج الريمونتادا على قناة المحور: "ليس من حق الراعي الإعلان عن قيمة عقود الرعاية، والأهلي بيعرف يسوق لنفسه بشكل كويس، الزمالك بيشتغل كويس برضو من ناحية شكل النادي ولكن فكرة التسويق لبراند نادي الزمالك لسة الزمالك محتاج يشتغل عليها".

تطورات قضية خالد بو طيب .. أخبار الزمالك اليوم تكذيب سيف زاهر و1.9 مليار جنيه رعاية.. إليكم أخبار الأهلي اليوم

أضاف: "فيما يخص نسب توزيع البث التلفزيوني هنا لازم نقف، براند الدوري المصري بيتباع، ورابطة الأندية بتوزع عوائد البث، ومفيش بلد في العالم بتبيع دوري منفرد وكل واحد لوحده، نفسي أفهم احنا ليه بنعمل كدة؟" وواصل: "لازم يبقى في اتفاق خاص بشأن توزيع عوائد البث لكل الأندية بنسب مُعينة مش كل واحد لوحده" .

وختم: "هل يعقل إن في 4 سنين يتعرض على النادي الأهلي فلوس البث التلفزيوني 660 مليون جنيه كعوائد بث ويتعرض على نادي الزمالك 280 مليون جنيه يعني تقريبا أقل 40% من اللي معروض على النادي الأهلي، هل ده عدل ربنا؟ أنا مش بتكلم على عقود الرعاية دي شطارة من النادي اللي بيسوق للبراند لكن أنا بتكلم على عوائد البث".