شعبة الحاصلات الزراعية: البقوليات بريئة من أي زيادة في أسعار الكشري

عقب أحمد الباشا ـ رئيس  شعبة الحاصلات الزراعية  على زيادة سعر " طبق الكشري " بالمحالات ، قائلا : " موضوع طبق كشري بـ 90 جنيه ده تهريج .. حتى زيادة الأسعار اللي حصلت مش 500 % أيا كان البراند اللي ببيع فالبقوليات بريئة تماما من أي زيادة في أسعار الكشري " .

وأوضح أحمد الباشا ، خلال مكالمة هاتفية لـ برنامج " يحدث في مصر " ، أن الزيادة التي حدثت لأسعار البقوليات طبيعية ، نظرا لأن مصر دولة مستوردة للبقوليات ، متابعا : " الزيادة الأكبر كانت في الحمص وأحنا بنعتبرها سلعة ترفيهية وهما 20 حباية عدس في الطبق " .

وأكد ، أن البقوليات هي مسمار الأمن للشعب المصري ، وابتدينا نصدر كميات كبيرة من البضائع بتاعتنا عشان نوفر دولار للبقوليات، منوها أن أسعار الزيادة لا تسبب زيادة في طبق الكشري 500% . 

وتابع : ميوصلش الطبق لـ 90 جنيه لأن أحنا كدة بنستفز الناس .. طبق كشري ايه اللي بتمن نص كيلو لحمة .

|ارتفاع الصادرات الزراعية إلى 5 ملايين طن لأول مرة هذا العام