ياسمين عز تكشف سر عدم زواج رونالدو من جورجينا.. وفيفي عبده: ”أنا زعلانة منه”

حلت الفنانة فيفي عبده ضيفة ببرنامج "كلام الناس" والتي تقدمه الإعلامية التي تتصدر محركات البحث بسبب تصريحاتها الغريبة عن معاملة الزوجه للزوج " ياسمين عز "، عبر شاشة MBC مصر الفضائية.

وتسائلت ياسمين عز، فيفي عبده عن رأيها في اللاعب البرتغالي كريستيانو رونالدو وقراره بعد زواجه من جورجينا " أم العيال "، لترد عليها: " أنا زعلانه منه أوي في الموضوع دا.. أنا بحبه جدًا هو طيب أوي وعطوف على الأطفال جدًا جدًا.. حبيت البساطة فيه مع الأطفال، لكن جورجينا جايبالك 4 أو 3 أطفال مش عايز تتجوزها ليه يا عم CR7.. ايه الفكرة في كدة.. أنا دا مضايقني جدًا منه ".

وأضافت: " أنا بحبه جدًا.. راجل زي القمر ومؤدب وراجل لطيف.. يخرب بيت جماله، وهي لذيذة جدًا، ليه مش عايز تتجوزها، هنسيب العيال كده أوبن بوفيه.. أنت جايب العيال دي ومش بتتجوزها ليه أنا عايز أفهم السر في كده ".

وردت عليها ياسمين عز: " هقولك التفسير اللي احنا وصلناله بعد ما سألنا أصدقاء مشتركين.. في بلدهم لو اتجوزها وطلبت الطلاق تاخد نصف فلوسه، بالإضافة إلى أن والدته مش موافقه على الجوازه ".

وقالت فيفي عبدو: " لو هو بيراضي أمه، وفي نفس الوقت بيحب جورجينا ومخلف منها.. ف دا حلو.. معلش أصل لازم يراضي أمه، ما الأم بعد ربنا سبحانه وتعالى ".