ابن شقيق عبد الحليم حافظ يكشف دليل عدم زواج العندليب بسعاد حسني وعلاقة مفيد فوزي بالقصة

كشف محمد شبانة ابن شقيق الفنان الراحل عبد الحليم حافظ، أسرارا جديدة عن علاقة الحب بين العندليب والسندريلا سعاد حسني.

 

هل أحب عبد الحليم حافظ سعاد حسني؟

وقال خلال لقائه ببرنامج "نص الكلام" الذي تقدمه الاعلامية راغدة شلهوب بقناة "النهار":"عبد الحليم حافظ بالفعل أكد أنه أحب سعاد حسني وهي أيضا أحبته، وقال إن الجواز مش حب وبس لكن ده حاجات تانية كتير وانه ملقاش الحاجات دي في سعاد".

سر انهاء عبد الحليم حافظ علاقته بسعاد حسني

وتابع:"عبد الحليم حافظ شاف ان الحب وحده لا يكفى للزواج من سعاد حسني، هو كان هيرتبط بيها في وقت من الأوقات لكن محصلش نصيب، وقال في مذكراته إنه متجوزهاش وانه قعد 12 سنة مقبلهاش ولكن بيتكلموا بس في التليفون وانها اتغيرت وبقت واحدة تانية بعد فيلم خلى بالك من زوزو".

ولفت:"عبد الحليم حافظ حس أن سعاد حسني حست بقيمتها الفنية ودي طغت علي القيمة الإنسانية اللى كان عايزها فيها، وكإن ابواب الشهرة غيرتها شوية، وده كان سبب عدم زواجه منها".

عبد الحليم حافظ وسعاد حسني، فيتو

واستطرد:"عبد الحليم حافظ أحب سعاد حسني قبل فيلم خلي بالك من زوزو، وكان طالع من كارثة ان حبيبته توفت وحب عمره الكبير، فهو كان بينسى حبيبته في سعاد حسني".

وأوضح:"عبد الحليم حافظ لم يتزوج من سعاد حسني، وقعدت في مكتب وجدي الحكيم وحكى ان فيلم الدرجة الثالثة والراعي والناس محققوش الإيرادات الكبيرة فاقترح مفيد فوزي اقتراحا وقتها لو ربطنا سعاد بحليم الأمور هتخليها ترجع تاني للصورة وتنجح، ومن هذا المنطلق خرجت الشائعة لإعادة نجومية سعاد حسني".

وثيقة زواج عبد الحليم حافظ وسعاد حسني المزورة

وأكد:"وثيقة زواج عبد الحليم حافظ من سعاد حسني اللى ابرزتها شقيقتها جانجاه مليون في المية مزورة، قدموا صورتها في المحكمة مش الأصل لإن لو قدموا الأصل كانت هتخش في قضية تزوير انما هي مكتوبة جمهورية مصر العربية ووقتها كانت الجمهورية العربية المتحدة، وثانيا التوقيع بتاعت الشاهد يوسف وهبي ووجدي الحكيم مش امضاء، وكما شيخ الأزهر هيمضى علي عقد زواج عرفي علشان يجوز حد عنده 17 سنة معندهوش ولي حاجة طبعا في الخيال العلمي".

وتابع:"لم يحدث اي علاقة مشينة بين عبد الحليم حافظ وسعاد حسني علشان يشيعوا انه تزوجها، وده اثارة للجدل فقط، وجابوا اكلاشيه بتاع كارت عبد الحليم بدون انهم يتعبوا نفسهم ويشوفوا امضته، وسعاد نفسها لم تصرح يوما انها تزوجته".

عادات وتقاليد عبد الحليم حافظ

ولفت:"عبد الحيم حافظ أحب سعاد حسني بس رفض يتزوجها علشان العادات والتقاليد لإنه هو في الأساس فلاح وفي شقته قسم الزمالك وقسم تاني بإسم بلده الحلوات "