السيسي لأمهات شهداء مثلث القيادة: هنحتفل كلنا في سيناء.. وهتشوفوها في صورة تانية

رحب الرئيس عبد الفتاح السيسي، رئيس الجمهورية، بأمهات شهداء مثلث القيادة، الشهيد البطل مصطفي حجاجي، مساعد الدفعة 103 حربية، والشهيد البطل محمد علي العزب، مساعد الدفعة 104 حربية، والشهيد البطل عماد الدين أبو رجيلة، حامل العلم. قائلًا: شرفتونا، أنا عاوز أقولكم حاجة، يمكن من كام سنة كانت الدنيا لسه مش باينة وكل الناس خايفة، ونصحى على عمل كبير ودماء أبنائنا تنزف وأرواح تروح لربنا، دلوقتي تمن ده احنا مش هنقدر نعوضكم عليه، اللي هيعوضكم عليه ربنا، هيعوض أسر الشهداء والأم بالذات.

الندوة التثقيفية للقوات المسلحة

وقالت إحدى الأمهات، خلال فعاليات الندوة التثقيفية الـ 37 للقوات المسلحة: فخر إن ليا شهيدين، المهم إن بلدنا فيها استقرار، مهاجرناش منازلنا، الأكل والشرب ده في غنى عنه أهم حاجة الآمان، أولادنا راحوا دفاعًا عن الوطن، عشان احنا والشعب المصري يعيش في أمان، فضل ربنا والقوات المسلحة.

وقالت أم شهيد آخر: أنا والدتك صعيدية وفخر ليا إن أولادنا من القوات المسلحة وشهداء، وضمنت الآخرة أنا وهو، وبنفتخر أن هم شهداء، شكرًا للقوات المسلحة اللي مش بتنسى أسر أولادها الشهداء.

السيسي مع أمهات الشهداء

وقال السيسي: النهاردة بفضل الله سبحانه وتعالى، التمن ده اللي دفعوا أبنائنا على مدى 8 سنيين، الحمد لله، وإن شاء الله مصر بخير دايمًا، إحنا متشرفين بيكمم وبكلامكم.

وتابع: مش بس الجيش اللي فاكر أولادكم لأ ده كل المصريين، مش هننسى كل شهيد وكل مصاب قدم حتة من جسمه عشان تبقى في آمان وسلام.

وأوضح الرئيس: قالوا من كذا سنة هنقدر نقضي على الارهاب ده؟.. والنهاردة بفضلكم وتضحية أبنائكم الحمد لله تحقق الحلم بفضل الأرواح وأسر مصرية طيبة وبسيطة ربت أولادها وقدمتهم، التمن اللي مش هننساه اننا نخلي بالنا من البلد، والخراب اللي كان ممكن مصر تشوفه ميتكررش تاني، مش بالجيش والشرطة، بكل المصريين وربنا سبحانه وتعالى مطلع عليه.

وأكد السيسي: هنحتفل كلنا بأسر الشهداء كلها في يوم هتشوفوا سيناء بيه غير اللي انتوا شوفتوه في الصورة المؤلمة، حتة في سيناء نروح ونحتفل، وفي نهاية الحديث طلب السيسي من الأمهات الثلاثة أن يلتقط صورة معهم.

 

السيسي مع أمهات الشهداءالسيسي مع أمهات الشهداء