حكيم: مكنتش مصدق وطرت من الفرح بسبب ترشيحي للجرامي.. وفخور بغنائي بحفل جوائز نوبل

أعرب الفنان حكيم عن سعادته الشديدة بغنائه في حفل نوبل للسلام، وترشيحه إلى جائزة الجرامي، مؤكدًا إنه فخور بهذا الحدث إلى الآن

 

وقال حكيم خلال لقائه مع برنامج صاحبة السعادة لإسعاد يونس: معرفش اترشحت إزاي لما عرفت إن الأغنية دي اترتشحت للجائزة العالمية مكنتش مصدق وكنت طاير من الفرحة، وحبيت إن أقول ده للدنيا كلها، ومكنش فيه سوشيال ميديا، وده كان نجاح ليا شخصيًا وافتخرت بنفسي جدًا، والشكر يرجع للملحن حمدي سكر، وحميد الشاعري الموزع، فكرة إن الأغنية بتاعتي اتسمعت ووصلت للعالمية، ده أمر جعلني أشعر بالفخر الشديد.

 

 

وتابع حكيم: حضرت حفلة توزيع جوائز نوبل للسلام وغنيت في الحفلة وكان موجود فنانين عالمين ريهانا، عمر الشريف، ومكنتش مصدق إني رايح، لإني كنت بمضي مع شركة الإنتاج، وصاحب الشركة اتكلم عنها، وشكيت في موضوع نوبل، ولقيتهم بلغوا مدير أعمالي في فرنسا، والدنيا كانت بتتكلم عن الحفلة ديه، قولتلهم موافق، وبعتولي ظرف كبير فيه تفاصيل الحفلة.

 

حكيم: عملت حفلة أنا فخور بيها جدًا.. والنقابة عملت مؤتمر صحفي كبير بسبب نوبل

 

واختتم حكيم: وأول واحد شافها قالي إنت خدت جائزة نوبل ولا إيه، وكلم حسن أبو السعود النقيب، قالي انت عريس ولازم تتزف، والنقابة عملت مؤتمر صحفي كبير، حضره كل صحافة وقنوات مصر، والموضوع خد حقه تمامًا، وعملت حفلة أنا فخور بيها جدًا.