تامر عبد المنعم: «كنت إعلامي ناجح لأني بقول الحقيقة.. ونفسي أرجع تاني»

تحدث الفنان والإعلامي تامر عبد المنعم، عن فترة عمله مذيعًا، وسبب رحيله من قناة المحور، مُشيرًا إلى أنه يتمنى العودة من جديد للإعلام، وسيعود لقول الحقيقة كما اعتاد الجمهور.

وقال تامر عبد المنعم، خلال حواره مع الإعلامية أميرة بدر في برنامج VIP المذاع عبر شاشة "قناة هي": “بشوف نفسي مذيع ناجح؛ لأني كنت مؤثر، وكنت بقول كلام غيري مقالوهوش، كنت بقول الحق سنة 2011، قُلت خونة ومحدش صدق، وطلعوا خونة، وغيري عام مع الموجة، وأنا وقفت ضد الموجة، و98% من اللي كانوا بيطلعوا في التلفزيون، عاموا مع الموجة، وفي منهم كان شريك في الموجة، ودلوقتي غيروا كلامهم، ولسه هيغيروا الكلام، والأيام بيننا”.

وعن سبب رحيله عن قناة المحور؛ قال تامر عبد المنعم: “مكنتش مرتاح في التعامل مع قناة المحور، وحسن راتب حاليًا مش عارف يرد عليا، فمقدرش أتكلم عليه، وربنا يفك أزمته ويرجع بيته سالم غانم”.

وأضاف: “مكنتش مرتاح مهنيًا في قناة المحور؛ لأن كان في تدخلات وتوصيات كتير، فمكنتش مرتاح، وأنا معرفش أعمل حاجة غير وأنا مرتاح، حتى لو هعملها ببلاش، وكان في مجاملات كتير لهن، ويُقال عنهن جنس لطيف، ولكن هل هن فعلًا جنس لطيف؟، ولو كُنَ جنس لطيف؛ مكنتش مشيت”.

مش هقول اسم .. تامر عبد المنعم يكشف عن عملية نصب تعرض لها تامر عبد المنعم عن علاقته بالمطرب محمد فؤاد : بينا المحاكم

وأضاف تامر عبد المنعم: “في مذيعات كتير على الشاشة مكنش ينفع يطلعوا، وكان في تكتيفات كتير، وأنا بحب أكون بحريتي، وكمان كان في اتفاق مع قناة العاصمة، كنا بنطلع بالتجربة بتاعتها، وكنت مرتاح فيها أكتر”.

ورد تامر عبد المنعم، على حديث الإعلامية أميرة بدر، والتي قالت له: الناس كانت بتشوفك مذيع دمك تقيل؟، قائلًا: “أنا مكنتش طالع أضحكك، أنا كنت طالع أقولك الحقيقة، وفي بعض الإعلاميين والإعلاميات بيطلعوا جهلة ومابيعرفوش يقولوا كلمتين على بعض”.

وأعرب تامر عبد المنعم عن رغبته في العودة مرة أخرى لتقديم البرامج التلفزيونية، قائلًا: نفسي أرجع لكرسي المذيع تاني، ولكن هرجع أقول الحق اللي ينفع بلدي، وأكيد هكون في صف الناس، والمذيع لازم يكون في صف الناس، والمذيع لازم يكون له وجهة نظر، آه الإعلام لازم يكون حيادي، لكن دا في الخبر، لكن المذيع اللي له برنامج؛ لازم تكون له وجهة نظر، ويدافع عنها".

واختتم تامر عبد المنعم، حديثه: “الشاعر سنوميدس، دا شاعر إغريقي، قال: «هزمناهم ليس حين غزوناهم، وإنما هزمناهم حين أنسيناهم تاريخهم وحضارتهم»، الجملة دي أثرت فيا جدًا من سنين، واعرفي تاريخك وحضارتك، قبل ما تطلعي تٌطرشي الطراش اللي بنشوفه في 85% من البرامج للأسف”.