في فرحي هلبس بدلة سموكين وهلبّس العريس فستان.. أبرز تصريحات منة فضالي مع الإعلامية أميرة بدر

كشفت الفنانة منة فضالي، العديد من أسرار حياتها، خلال حوارها في برنامج VIP، منها علاقتها بوالدها، وسر ارتباطها برجال أكبر منها سنًا، هذا بجانب فكرة رفضها ارتداء فستان زفاف مرة آخرى، وغيرها من الأمور والأسرار التي روتها خلال البرنامج.

ونستعرض لكم ابرز تصريحات منة خلال حوارها مع أميرة بدر:-

ـ لبست حوالي 30 فستان فرح مش عايزة ألبس فستان فرح زهقت.

ـ بابا موجود ومش موجود، وكنت بدور على الأب في علاقاتي، وارتبطت بناس أكبر مني بـ 30 سنة، وبطلت دلوقت أدور عليه.

ـ شفت والدي لأول مرة وأنا عندي 21 وعندي أخوات معرفش عنهم حاجة.

ـ مرة جالي عريس بابا قالهم خدوها ومش عايز منكم حاجة.

تصريحات منة فضالي مع الإعلامية أميرة بدر

ـ لما بتفرج على فيلم أو مسلسل وبشوف مشاهد عن الأب بعيط.

ـ كنت مرتبطة بواحد بخيل كنت بصرف عليه، ومكنش معاه 3 آلاف جنيه حتى، وأنا شخصية مصرفة جدا
ـ لما الراجل يشوف واحدة على مراته يبقى العيب من الست أو هي اللي بتضطره أنه يبص برا أو عينه

ـ أمي تعبت وشقيت عليا ونفسي أسعدها طول الوقت، وهي دلوقت فقدت بصرها.

ـ أبويا عمري ما حسيت أنه بيحبني، لأنه سابني وأنا شهرين، وميعرفش يوم عيد ميلادي.

ـ ماما تعبت وضغطها علي وأغمى عليها وكانت هتتشل لما عرفت أني متجوزة في السر، ورفضت في البداية عشان أكبر مني بـ20 سنة ومتجوز وعنده أولاد.

ـ طليقي رماني من على السلم وأتكسرت بسبب غيرته عليا ودخلت المستشفى وطلبت الطلاق.