عارفة عبد الرسول: كنت سعيدة لما اتصورت بالمايوه

قالت الفنانة عارفة عبد الرسول:"بقول للمنتجين أنا عايزة اعمل دور رقاصة عايزة أرقص بحب الرقص، ومش في دماغي البحث عن التريند".

 

عارفة عبد الرسول ترد علي انتقادات المايوه

وأضافت خلال لقائها ببرنامج "واحد من الناس" الذي يقدمه الإعلامي عمرو الليثي بقناة "الحياة":"كنت سعيدة وفرحانة جدا لما صديق صورني وانا لابسه المايوه وبعدين شاركتها علي السوشيال ميديا بس انا ملبستش البكيني زي ما بيقولوا وطلعوا يهاجموني عيب عليكي يا ولية انتوا شوفتوا البكيني فين".

-إعلانات-

رحلة المايوه في حياة عارفة عبد الرسول

وتابعت:"انا لبست المايوه البكيني وانا عندي 20 سنة وبعدين بقى قطعة واحدة وأنا في الثلاثينات وبعدين الخمسينات والستينات لبست الشورت لإنه يناسب سني وممكن السنة الجاية البس البوركيني لإن الجسم بيعجز وانا بتاعت فنون جميلة مش بحب أذيي حد بمنظري".

خطأ شهادة ميلاد عارفة عبد الرسول

ولفتت عارفة عبد الرسول:"انا معرفش تاريخ ميلادي الحقيقي، انا اتولدت في نفس السنة بتاعت البطاقة لكن الاختلاف في الشهر اللى اتولدت فيه وبحتفل بعيد ميلادي اللى مكتوب في الشهادة، دعوة فرح جواز أبويا وأمي كانت شهر 9 سنة 1953 وأنا بواقع شهادة الميلاد مولودة شهر 2 سنة 1954 يعني جيت بعد 5 شهور لأ طبعا ملحقش اجي الا لو انا بنت خمسة، يبقى انا علي الأرجح مواليد شهر 6".

وكشفت الفنانة عارفة عبد الرسول عن مواقف وجوانب من حياتها الخاصة، خلال لقائها ببرنامج “واحد من الناس” الذي يقدمه الإعلامي عمرو الليثي بقناة “الحياة”، قائلة: “معشتش طفولتي ولما بحاول أعيشها دلوقت بيقولوا الولية كبرت وخرفت”.

وأضافت: "عمري ما لعبت وببقى عايزة أركب عجل مع أحفادي بخاف من ردود الناس".

وتابعت: “أبويا كان بقال وكان بيحب الغناء والسينما والشياكة وكان بيقعدني في المحل وأنا عندي 3 سنين علشان هو كان بيحب يروح سينما، وانا كنت بقطع جبنة تركي وبسطرمة”.

 

أجر عارفة عبد الرسول في محل البقالة

ولفتت الفنانة عارفة عبد الرسول إلى أن والدها كان يعطيها أجرًا في الأسبوع 25 قرشًا، نظير العمل معه في محل البقالة، موضحة أنها كانت تصرفها في الملابس.

 

كوافير عارفة عبد الرسول

واستكملت: “أبويا كان تعب من البقالة فقلت له نفتح كوافير فقاللى مش كارنا، وقتها دخلت اشتغلت كوافيرة علشان اتعلم المهنة وضربت حاجب واحدة وجريت ورايا وكانت عايزة تضربني”.

وكشفت أنها عملت في بوليصة تأمين وفي محل حلواني شهير في المنشية بالإسكندرية، وفي مطعم شهير.

 

وحيد سيف أعجب بيا

وأوضحت أنها التقت الفنان وحيد سيف أثناء تصويره مسرحية في الاسكندرية، قائلة "أعجب بيا وقاللى ابتسامتك حلوة وشغلني معاه".

دراسة عارفة عبد الرسول

وأشارت عارفة عبد الرسول: "درست فنون جميلة صدفة وكان ليا بنت زميلتي قالت لي خشي معايا اختبار القدرات وفوجئت وأنا بستلم الشهادة بإني لائقة وهي غير لائقة وقالولي انتي رسمتي حياة في اللوحة".

 

عمر عارفة عبد الرسول

وأكملت:"جيت القاهرة وأنا 52 سنة وعمري دلوقتي 69 سنة، وانضميت لفرقة الورشة وعملت مسلسل أبواب الخوف، بعد لما اتطمنت على ولادي وجوزتهم، عندي حسن 43 سنة مهندس كمبيوتر وبنتي خريجة تربية نوعية موسيقي ومدرسة موسيقى".