أول رد من شرين عبد الوهاب بعد أزمة حفلة رأس السنة

قالت الفنانة شيرين عبد الوهاب، إنها لم تقصد الإساءة لمصر ولكنها كانت تهدف إلى تجاوز موقف تعرض إحدى الترابيزات للكسر خلال حفل رأس السنة.

وأضافت خلال مداخلة هاتفية لبرنامج «الحكاية»، المذاع على قناة «إم بي سي مصر»: «حبيت ألم الموقف وأقول للناس أهلا بيكم وكل حاجة هتتصلح حالا.. أنا موجودة وبقول للناس اللى بتسمعني لا أسمح لأحد أن يشكك في حبي لبلدي.. أنا اسفة دا خط أحمر واحنا قوتها الناعمة والحمد لله احنا محبوبين».

وتابعت: «أنا مش زعلانة بالهجوم على ومبسوطة علشان الدنيا كلها بتفوقني، والمكانة اللي أنا فيها متسمحليش بالدعابة تاني، وهحط سوستة على شفايفي ومش هتتكرر».

واستطردت: «الشعب يحب روح الدعابة والمزاح، وهذا ما أقوم به، ولكن يبدو أن مكانتي الحالية أصبحت لا تسمح بذلك، ولكن يجب أن يعلم الجميع أنني لا أحب تزويق كلامي مثل حال الشعب كله».

وأكملت: «أنا ست عندي جوزي وأهله وبناتي أطفال صغيرين، أنا حاسة اني تصرفاتي الطبيعية بتتاخد غلط ولو الكلمتين اللى بهزر بيهم هيتفهموا غلط بلاش منهم».