«بلاش لعب عيال».. أسامة كمال عن أزمة بي أن سبورت

علق الإعلامي أسامة كمال، على توقف قنوات bein لأقل من 24 ساعة، مضيفا أن البث رجع وبدون بيان صحفى مثل أنقطاع الإشارة، موضحا ان أحمد أحمدين، رئيس شركة CNE، قال تعاقدنا مع bein sport، ورجع بث قنواتها والتعاقد مدته سنتين، والمشكلة اتحلت تماما".

وأضاف كمال خلال برنامجه "مساء dmc"، اليوم الأربعاء "أمس قلت بلاش لعب عيال وطبعا مش ده سبب رجوعهم في كلامهم وكمان مش بيتهيألى أن تصريحات حسين زين رئيس الهيئة الوطنية للإعلام اللى قال من حقنا نذيع البث أرضى هو السبب بس يا ترى آيه اللى حصل؟ الله أعلم، بس أكيد الموضوع كبير".

وتسائل" عندى سؤال واضح جدا يخص bein سبورت هو فين حكم المحكمة الاقتصادية بتأييد حكم محكمة أول درجة بتغريم مسئولين بي إن سبورت ورئيس مجلس إدارتها ناصر الخليفي 400 مليون جنيه بسبب مخالفة المادة (8) الفقرتين (د) و(ز) من قانون حماية المنافسة، لما قطعت الإرسال عن المشتركين".

وأتم كمال: "أين راح ذهب قرار الحكومة المصرية، إلغاء عقد bein Sports وCNE بسبب ارتكاب الشركة القطرية مخالفات إحتكارية، هل نفذنا الكلام ده وللا ما نفذناش ومين اللى ما نفذش؟".