تفاصيل انسحاب تركي آل الشيخ من الإستثمار الرياضي في مصر (فيديو)

أعلن المستشار تركي آل الشيخ، رئيس هيئة الترفيه في المملكة العربية السعودية، تصفية جميع الاستثمارات الرياضية له في مصر وبيع نادي بيراميدز للمستثمر الإماراتي سالم سعيد الشامسي.

 

بدأت القصة بعد تصريحات الإعلامي أسامة كمال، مقدم برنامج «مساء دي إم سي»، والتي انتقد فيها اتحاد الكرة بسبب أزمة الأهلي وبيراميدز، قائلًا: «لما إحنا قبلنا الاستثمار الأجنبي في الكرة، هو كان شرط المستثمر إنه لازم ياخد بطولة الدوري وإلا مش هيستثمر؟ مش عاوز أخوض في موضوع أزمة اتحاد الكرة والأهلي.. في سؤال عاوز أقوله لاتحاد الكرة، إيه الهدف من استبدال ماتش في الدوري لماتش في الكأس بين نفس الفريقين؟ هتفرق إيه؟ بتجامل مين على حساب مين؟».

 

وأضاف: «هل ينفع وإحنا بنجمع كل جهدنا علشان ننجح كأس الأمم الأفريقية نعمل مشكلة من لا شيء علشان نراضي شخص؟ طب لو الأهلي انسحب بسبب التعنت ده وواضح إن الكلام واللعب على المكشوف قوي، إيه اللي هيستفيده اتحاد الكرة من استبعاد الأهلي من بطولات أفريقيا؟ هل علشان نادي تاني يدخل بدل الأهلي؟».

 

وواصل: «تاني نسأل، هل علشان نقبل الاستثمار الأجنبي في الكرة هل كان في شرط كده يعني إن يبقى في بطولة؟ محتاجين رد، ولا مش مهم الرد، وكلامي للناس اللي بتفهم في الكرة أكثر مني كتير، فتوا وقالوا وتباينت وجهات النظر، مش بتكلم في الكرة إلا إذا كان في شيء فج وعيب وكفاية بقى، وحرام عليكو مصر، وحرام عليكو المصريين».

 

ونشر «آل الشيخ» هذا الفيديو، على صفحته الشخصية بموقع «فيس بوك» وعلق قائلا: «معاك حق وأنا مالي ومال الصداع... وربنا ميجيب كسرة لحد».

 

وقال آل الشيخ في تصريحات بعدها على حسابه الشخصي: «تحية إلى كل من تعاملت معهم في مصر الحبيبة وأخص بالذكر... المستشار مرتضى منصور وأحمد وأمير... حسام البدري... أحمد حسن... حسام حسن وإبراهيم... هادي خشبة... محمد العاصي... هاني أبوريدة... محمد كامل... مدحت شلبي... أحمد عفيفي... إبراهيم فايق... رضا عبد العال... خالد الغندور... ميدو... عمرو أديب... عمرو دياب... محمد حماقي... محمد هنيدي... هاني فرحات... محمد رمضان... رامي إمام... أيمن بهجت قمر... أمير طعيمة... خالد تاج... عمرو مصطفى... هاني فرحات... طارق مدكور... خالد عز... حمادة إسماعيل... جمال ومدحت العدل... محسن جابر... هاني شاكر... عمرو الليثي... إيهاب جلال... لاعبي وإداري بيراميدز... مع حفظ الألقاب والمعذرة إذا نسيت حد».

 

يذكر أن تركي آل الشيخ كان قد اشترى نادي الاسيوطي في الصيف الماضي من رجل الأعمال محمود الأسيوطي وقام بتغيير اسمه إلى نادي بيراميدز.