السيسي لوزير المالية: العملية ماشية معاك كويس منشفها علينا ليه؟

قال الرئيس عبدالفتاح السيسي، إن مبادرة "حياة كريمة"، تحاول علاج مشكلات مزمنة في المناطق الأكثر فقرًا، وتغيير واقعهم بشكل ملموس، مشيرًا إلى أهمية البحث عن الحلول المبتكرة والمُبادرات بهدف معالجة المشاكل حتى يقوى الاقتصاد.

 

وأضاف السيسي، خلال المؤتمر الأول لمبادرة "حياة كريمة": "دولة زي مصر عاوزة موازنة على الأقل تريليون دولار علشان ظروفنا الاقتصادية صعبة مع تراكم المشاكل عبر السنوات، معقبا: "لازم الدولة المصرية خلال السنتين ثلاثة اللي جايين تكون دولة تانية".

 

وتابع الرئيس: "إنت عاوز 18 تريليون جنيه بشكل مستمر علشان تحل كل المشاكل التى تم طرحها طيب ده ممكن؟، أه بس هياخد وقت، إن شاء الله بس جهد ووقت ومن ضمن الوقت والجهد خطة الإصلاح الاقتصادي، ولو كنا ماشيين زي ما أحنا كنا ماشيين قبل كده كانت مصر هاتخرب في نوفمبر 2016، طيب تخرب ليه لأن مكنش معانا فلوس نجيب مستلزمات إنتاج للمصانع، وتتراكم العمالة في الشوارع وتحصل ثورة تهد البلد دي".

 

ومازح الرئيس، وزير المالية محمد معيط، قائلَا: "إنت فيه فائض والعملية ماشية معاك كويس ومنشفها علينا ومغلبنا إدي رقم لمبادرة حياة كريمة، مبنتكلمش فى الحالة دى غير بالمليار.. لازم يبقى فيه دعم من الحكومة لمبادرة حياة كريمة".