التفاصيل الكاملة.. تركي آل الشيخ يتجه لمقاضاة عضو إدارة الأهلي محمد سراج

قال المحامى محمد حمودة إن المستشار تركى آل الشيخ، رئيس هيئة الترفيه السعودية كلفه بأن يتقدم ببلاغ للنائب العام المصرى، ضد محمد سراج، عضو مجلس إدارة النادى الأهلى عن ما بدر منه من ألفاظ خارجة عن الآداب العامة، وتمس الشرف والنزاهة الخاصة بالمستشار تركى آل الشيخ.

وأضاف المحامى محمد حمودة أن المستشار تركى الشيخ كلفه أيضا بمتابعة هذه البلاغات حتى يعاقب مرتكبوها بالعقوبات الوادرة بقانون العقوبات المصرى، والتى هى الحبس والغرامة، لافتا إلى أن هذه الأفعال لا تمثل النادى الأهلى، وأعلم أن مجلس إدارة النادى الأهلى لا يقبل هذه الأفعال، ولا تمثل المصريين بشىء وإنما تمثل فقط مرتكبيها.

محمد سراج مهاجما تركي آل الشيخ: ”أنت ملقتش حد يربيك”

شن محمد سراج الدين، عضو مجلس إدارة النادي الأهلي، هجوما شديدا على تركي آل الشيخ الرئيس الشرفي للنادي الأهلي، مؤكدا أنه يشفق عليه.

وكتب محمد سراج الدين عبر صفحته الرسمية على موقع التواصل الاجتماعي" فيس بوك": "هو انا متربي وهادي الحمد لله ودي نعمة ربتني عليها والدتي الأستاذة الجامعية ووالدي وهو لواء مدفعية سابق في الجيش المصري".

وأضاف سراج: "بس افتكر انه كان علمني كمان ان الكرامة دي اعلى واهم صفات الإنسان وان عمري ما اقبل اي تجاوز في حقي وانا بشفق عليك حقيقي لأنك ملقتش حد يربيك تربية سوية أو يعلمك ان مش كل حاجة المظاهر والشو والهبل اللي بتعمله ده اللي خلاك مسخة أمام العالم كله".

وتابع: "في قيم ومعاني واصول اهم وأسمى من كده بكتير بس انت معذور متعرفهاش بحمد ربنا اني اتربيت كده وانا مش بشوفك يا تركي ال شيخ من اول يوم غير واحد ناقص وجاهل وهفضل اشوفك كده على طول وعلى فكرة انت مش كاسر عيني وانت عارف كده كويس ولا عمرك هتقدر في أحلامك حتى تكسرها ولا انت ولا اتخن تخين".

وكان تركي آل الشيخ قد كتب عبر حسابه الرسمي على موقع التواصل الاجتماعي" فيس بوك": "هوا مين الهلفوت ده محمد سراج الدين؟ ايه موقعك من الاعراب بس قبل مرد عليك يا هلفوت؟".

تركي آل الشيخ لـ محمد سراج: ”يا بتاع بابي ومامي أنا ميشرفنيش ابقى رئيس شرفي للأهلي”

رد المستشار تركي آل الشيخ، رئيس هيئة الترفيه بالمملكة العربية السعودية، والرئيس الشرفي للنادي الأهلي، على محمد سراج عضو مجلس إدارة القلعة الحمراء بشأن هجوم الأخير عليه في منشور عبر صفحته الرسمية على فيس بوك.

وكتب تركي آل الشيخ: "ارجع أسال هوا انتى مين عشان اكسر عينك؟ مالكش اي قيمة ... بعدين اذا انا بحب الشو على كلامك على الاقل بدفع حق الشو الي بعمله ...مش زيك هارينا بابي ومامي وفي الاخر ناجح بفلوسي انا ودعمي انا؟!".

وأضاف آل الشيخ: "متعملش فيها راجل وبتاع كرامه وانتى اساساً الكرمه دي متعرفهاش الا في بوست فيس! وبعدين انا مش حشتم في ابوك المحترم الي للاسف معرفش يربيك ولا اجيب سيرة ارض الطوب الرملي في الواحة في مدينة نصر وبقية الاراضي والشيك الي ب ١٠ مليون جنيه بدون رصيد لن كده حيزعل منك بابي".

وتابع: "لو عندك كرامه يابو كرامه يا اهبل كان اتصرفت وانا مرتين ارمي الاستقاله في وشك ومتقبلوهاش ... واستقاله بين السطور فيها انه ميشرفنيش اكون رئيس ل نادي الاهلي العظيم الي بحبه وبحب جمهوره وفيه هلفوت في مجلس الاداره زيك".

وأتم تركي آل الشيخ: "بتاع بابي ومامي ! دي اخر مره انزل ل مستواك وارد عليك ببوست ... فاهمني".