طبيب نفسي: هذا دور أولياء أمور طلبة الثانوية العامة

قال الدكتور خالد صقر أخصائي التشخيص والعلاج النفسي، أن «طلبة الثانوية العامة نوعين، النوع الأول هو الطالب اللي بيكون بيذاكر ومعندوش أي مشاكل مع الضغط النفسي لكن ضغط الأهل والناس اللي حواليه بيضايقه، أما النوع الثاني فهو الطالب اللي يكون بطبيعته اصلا قلوق، يعني طبيعته في الحياة العادية هو بيقلق من أي وسيلة ضغط».

واضاف صقر خلال حوار تليفزيوني عبر برنامج صباح الورد المذاع على قناة «ten»، أن «الطالب القلوق هو الطالب الذي يكون اكثر عرضة في فترة الامتحانات انه يتأثر بشكل كبير جدا، حيث يزيد عنده القلق والتوتر، والاكتئاب في بعض الأحيان»، مضيفا «بيبعتلي طلبة كتير في الفترة دي بيقولولي يا دكتور انا مش قادر افتح كتاب، مش قادر استوعب حاجة حاسس أن انا كل اللي ذاكرته قبل كدا نسيته».

و أوضح صقر أن الطالب الذي يشعر دائما بالقلق، يحتاج دوما دعم من الاسرة، من خلال عدم اظهار الاسرة أي علامة من علامات القلق لطلاب الثانوية العامة، مضيفا «دايما اقول أن مفيش كلية اسمها كلية قمة ومفيش كلية اسمها كلية قاع، كلية القمة هي الكلية اللي يشوف الشخص فيها انه هينفع نفسه وبلده، ويكون شاطر ومميز ومبسوط».