مسلسلات رمضان 2023، بوسترات أبطال مسلسل الصندوق (صور)

مسلسلات رمضان 2023، طرحت مؤخرًا بوسترات أبطال مسلسل الصندوق الذي ينافس به أحمد داش وهدى المفتي ضمن مسلسلات رمضان 2023.

القناة الناقلة للمسلسل حصريًا

وأعلنت قناة MBC مصر عرض مسلسل الصندوق حصريًّا عبر شاشتها خلال موسم مسلسلات رمضان 2023، ومسلسل الصندوق من بطولة الفنان الشاب أحمد داش، وهدى المفتي، وعلي قاسم.

 

وتعرض قناة MBC مصر في موسم مسلسلات رمضان 2023 عددا من المسلسلات حصريا عبر شاشتها خلال الشهر الكريم من أبرزها مسلسل “تغيير جو” بطولة الفنانة منة شلبي.

هدى المفتي والكورونا

وكانت الفنانة هدى المفتي التي تنافس بمسلسل الصندوق ضمن مسلسلات رمضان 2023 قد قالت في لقاء إعلامي لها: "أنا من أول الناس اللي جالهم كورونا في مصر وبعدين خلصت الكورونا وبقينا كويسين ومأخدتش أدوية السيولة فبعدها بأكتر من شهر جالي جلطة في الوريد اللي بيوصل دم للأمعاء".

وأضافت خلال لقائها ببرنامج "معكم" الذي تقدمه الإعلامية منى الشاذلي بقناة "سي بي سي": "مكنتش أعرف أني أصبت بالجلطة وكنت بحس بحرقان وحاجات غريبة بتحصل، وكنت معتقدة أن فيه مشكلة في القلب عندي وعملنا رسم قلب طلع مفيش حاجة، وفي رأس السنة كنا رايحين أسوان وفجأة تعبت تعب مؤلم ووجع صعب فرجعت بطيارة وقطعت الإجازة واتبهدلت، ولولا صديقتي كنت هتعب جدًّا، وعلقولي محاليل في مركب".

وتابعت: "لما رجعت القاهرة دخلت المستشفى الدكاترة مكنوش عارفين يشخصوا حالتي وبطني كانت عمالة تتنفخ ووجع مميت مش آدمي، فاضطروا أنهم يفتحوا بطني وقتها اكتشفوا أن عندي جلطة في الوريد اللي بيوصل دمع للأمعاء، ولما متعالجش بسرعة عمل غرغرينا في جزء من الأمعاء، وتم استئصال جزء من الأمعاء، وكانت عملية جراحية كبيرة، وقعدت في العناية المركزة أكتر من شهر وممنوع الزيارة والأكل والمياه لمدة 24 يوم، واتبهدلت أوي، وكانت تجربة وحشة ومن الحاجات اللى اتعلمت منها، وبعدها علاقتي بربنا اتحسنت بعد الوعكة الصحية".

 

وأكملت: "مكنتش متخيلة أني هطلع من الأزمة الصحية على خير، ومن الأدوية اللى كنت باخدها كنت بنسى الناس اللى حواليا".

وبسؤالها عن كواليس تعاونها مع المخرج مروان حامد في فيلم "كيرة والجن"، قالت هدى المفتي: "أستاذ مروان حامد كمخرج مختلف تماما، أي حد يتمنى يشتغل معاه، خصوصا لو هيحطك في دور جديد، زي ما يكون هيصبك في قالب معين وهيشكلك بتشكيلة جديدة، فكنت متأكدة إن هبقى طالعة حاجة صح جدا.. لذلك في العرض الأول للفيلم كنت مبسوطة أوي وحاسة بالرضا عن نفسي وإني قدمت دور مهم".