علاء مبارك لـ مستشار نتنياهو: شكلك لسه زعلان وبيجيلك كوابيس

رد علاء مبارك، نجل الرئيس الراحل محمد حسني مبارك، على تغريدة نشرها إيدي كوهين، مستشار مكتب رئاسة الوزراء الإسرائيلي بنيامين نتنياهو الذي أشار فيها إلى تطبيع الرئيس الراحل مع الكيان الصهيوني.

وكان كوهين قد نشر صورًا عبر حسابه بموقع “تويتر”، تجمع الرئيس الراحل أثناء فترة حكمه مع بنيامين نتنياهو، وإيهود أولمرت، معلقًا عليها: “هو التطبيع حلال على المتوفي بتاع الحزب الوطني، وحرام على الهضبة والنمبر وان ولا إيه.. خطوة عزيزة، وابقى سلم على الفلول وأنت معدي على طريق دهب سديروت، وإيه تاني”.

فيما رد علاء بقوله: “شكلك بخيل، ولسه زعلان من موضوع كباب منوفي أم كوهين، واضح ياض يا كوهين إنك لسه بتعاني من آثار الدرس الموجع، وبيجيلك كوابيس، ومحتاج جلسات علاج مكثفة، بالمناسبة محدش قال لك قبل كده إنك واد (…) يعنى بجاحة و(…) كمان؛ عذرا للجميع، بس ده أكثر لفظ يصف خفة دم الواد ابن كوهين، صباح الفل”.

وفي سياق متصل، كشف “كوهين”، صباح اليوم، تطبيع دولة إسلامية أخرى مع إسرائيل خلال الأيام المقبلة.