منة فضالي: ”فكرت في تجميد بويضاتي وأتعودت أكون لوحدي”

قالت الفنانة منة فضالي إنها فكرت في وقت سابق تجميد بويضاتها بسبب تأخرها في الزواج حتى الآن، مضيفة: "أنا كبرت وأتعودت أكون لوحدي".

وأضافت "فضالي"، خلال لقائها مع برنامج "VIP"، المذاع على فضائية "هي"، قائلة: "بعد ما كبرت حسيت أني مش خسرانة، أمي تعبت وشقيت عشان تكبرني، وكنت بشوف ده، عندي صحابي بيتطلقوا قريب وقولتلهم متطلقوش عشان الأطفال هتدفع تمن ده محدش هيدفع التمن غيرهم، وهو مش حاسس أنه بيخسر ولاده وهيفتقد يشوفهم وهما بيكبروا، أي حد بيخسر ولاده في الوقت ده عمره ما هيرفع يرجعهم تاني".

 

تجميد بويضات منة فضالي

وأكملت: "شفت والدي لأول مرة وأنا عندي 21، وجالي عريس وقعد معاه وكان العريس عايش في أوروبا، وقالهم خدوها ومش عايز منكم أي حاجة واحنا بنشتري راجل، وقال لأمي هما بيحبوا بعض وخلينا نخلص، ولما العريس حكالي قولتله مستحيل بابا يعمل كدا، قالي لأ قالي كدا، مستحيل أب يعمل كدا".

 

وأردفت: "لما بتفرج على فيلم أو مسلسل وبشوف مشاهد عن الأب بعيط، وأنا شخصية حساسة وكل حاجة بتأثر فيا، ومبحسش أني عايزة أكلمه، هو ميعرفش عني حاجة دا بابا ناسي عيد ميلادي، عمري ما حسيت انه عنده مشاعر تجاهي".

وعن تجميد بويضاتها، عقبت منة فضالي، قائلة: "كل الناس قالتلي أعمل تجميد بويضات ولكن اتقالي بيأثر على الست، وأنا لسه مش عارفة هتجوز ولا لأ، انا لسة بدري على الجواز والخلفة".

ونقدم لكم تغطية ورصدًا مستمرًّا على مدار الـ 24 ساعة لـ سعر الذهب، أسعار اللحوم، أسعار الدولار، أسعار اليورو، أسعار العملات اليوم ، أخبار الرياضة، أخبار مصر، أخبار الاقتصاد، أخبار المحافظات، أخبار الحوادث، ويقوم فريقنا بمتابعة حصرية لجميع الدوريات العالمية مثل الدوري الإنجليزي، الدوري الإيطالي، الدوري المصري، دوري أبطال أوروبا، دوري أبطال أفريقيا، دوري أبطال آسيا، والأحداث الهامة والسياسة الخارجية والداخلية، بالإضافة للنقل الحصري لـ أخبار الفن والعديد من الأنشطة الثقافية والأدبية.