حان وقت هتك سترك.. وائل غنيم يوجه اللكمات على وجه عبدالله الشريف

هاجم وائل غنيم، الإخواني الهارب عبدالله الشريف، إثر الشائعات التي أطلقها الثاني ضد الدولة المصرية في محاولة لتشويه صورة مصر.

وائل غنيم، كتب على حسابه الشخصي على فيس بوك: قال: “يبدو أن مظلوما دعا على عبدالله الشريف فقال اللهم افضحه واهتك ستره على رؤوس الأشهاد”.

ووجه غنيم التهم إلى الإخواني الهارب عبدالله الشريف بشأن تعدد العلاقات النسائية: "اللي عامل فيها نفسه مؤمن ومتدين وبتاع ربنا ومناضل بيفضح الظلم ويدافع عن المسلمين ويزود وعيهم طلع من الآخر، نسوانجي".

وأبدى تفهمه الفتنة التي تعرض الإخواني الهارب لها: "لأنه للأسف اختبار الشهرة من أصعب اختبارات الحياة اللي أنا خضتها، وللأسف من تقييمي لتجربتي ولتجربته أقدر أقول لكم إنه إنسان مش محترم وأنا كذلك لفترة طويلة كنت مخبي عنكم إني إنسان مش محترم".

وأضاف: "لما رجعت في سبتمبر 2019، كان أصعب حاجة علي إني أنظّر عليكم الأخلاق والقيم والدين والديمقراطية وأنا في حقيقي أمري إنسان فتنتني الغرور برأيي وفتنتني جهلي بسنن الحياة وكيف تُدار الدول وفتنتني ادعاءاتي السطحية بجدوى حلول غربية مستوردة وبعضها يُراد فرضه على شعوبنا الإسلامية والعربية بعكس قيمنا ومبادئنا وما تربينا عليه منذ آلاف السنين، وفتنتني تلك الشخصيات السطحية التي كانت مثلي تهيم في الأرض مدعية الحقيقة وموزعة الاتهامات على البشر والتي اكتشفت لاحقا أن كلهم حلقات طويلة في سلسلة من مشروع بدأ منذ انقلاب حمد بن خليفة على والده في 1995 لأن الضمانات التي أعطاها وقتها للأمريكان كانت اعترافه بإسرائيل وعمله على دعم مشروع الديمقراطية في العالم العربي".

وتابع: "لما رجعت قلتلكم على كل حاجة وفتحت قلبي ليكم واللي تابع كان بيقول لي بلاش تفضح نفسك بس كنت بحاول أفهمكم إني مش بفضح نفسي بالعكس، نفسي عارفاني كويس جدا وكانت بتتقطع من الغضب على نفاقي وكذبي وغشي وخداعي للناس".

واستطرد: "ونفسي دلوقتي بتصالحني وبتوريني كمان إني كنت قاسي على نفسي في حكمي عليها بسبب قسوة حكم الناس عليّ، بس الحمد لله إني أوريكم شكلي على حقيقته بالخمرة والحشيش والخيانة والجهل والغرور وكل حاجة كان أكتر حاجة ريحت بالي وهدت سري".

وبشأن ثورية الهارب عبدالله الشريف، قال: الإخواني الهارب، بسبب ادعاء النضال، وهو ما ثبت عدم زيفه، على خلفية فضيحة أخلاقية راجت مؤخرًا بين رواد مواقع التواصل الاجتماعي: “الفضيحة اللي بجد، إنك تبقى عامل نفسك مناضل وانت قاعد بتقبض فلوس على قلبك قد كده من مخابرات دولة أجنبية على عداء واضح ومباشر وصريح مع كل ما هو تابع للمؤسسة العسكرية المصرية اللي بتحمي البلد واللي لولاها في ظروف زي النهاردة كان ممكن البلد تبقى في وضع تاني خالص”.

وتابع: "الفضيحة اللي بجد، إن مراتك تبقى بتصارع مرض السرطان وهي جوه قلبها عارفة كويس جدا إن جوزها بيخونها بشكل رخيص مع أي واحدة معدية بتبعتله رسايل إغراء على واتساب، يعني واخد الموضوع استمتاع ببنات الناس وكل خميس تنظير على ملايين الشباب المصري الغاضب من حكومة بلده".

وأكمل: “الفضيحة اللي بجد، إن الفضيحة الأسبوع ده يا عبدالله يا غير شريف، هو تسريب قررت واحدة من ضحاياك تفضحك بإنها تبعته لمحمد قنديل. لأنك ضحكت عليها وحسستها إنك بتحبها واكتشفت الأسبوع اللي فات لما سمعت التسريبات إنك بتكرر نفس الأسلوب مع أي حد بيكلمك وإنك بتلاغيها بس عشان تمارس الجنس، طبعا هي عرفت إنه صوتك مش زي ناس كتيرة مش قادرين يصدقوا بس بينكروا”.

وحول الشائعات التي نشرها الشريف، حول الإرهابي هشام عشماوي، قال: “الفضيحة اللي بجد، هي إنك هتكذب وتدلس على اللي أنت مبرمجهم كويس وتستمر بدون اعتراف بغلطاتك حتى الغلطات بتاعة حلقة هشام عشماوي كابرت ورفضت تعتذر عنها، خد بالك، كل ما هتستمر هتغلط أكتر وتتغر أكتر والناس اللي انت خدعتها وظلمتها في حياتك هيطلعوا واحد ورا التاني يجيبوك ويفضحوك ويهتكوا سترك، عشان ده حكم الله القاضي بهتك ستر كل من ينشغل بهتك أسرار الناس، وربنا قضى علي بهتك ستري أنا لنفسي فدفعت الثمن كما رأيت أمام الشاشات يا دنجوان عصرك يا صاحب الفطرة السليمة”.

وفي آخر حديثه، قال غنيم: “يا عبدالله، تستطيع أن تخدع بعض الناس بعض الوقت، لكن لن تستطيع أن تخدع كل الناس كل الوقت، حان وقت هتك سترك بتوقيت القاهرة العصماء الأبية على أمثالك من المتنطعين المتأسلمين الحاقدين على تاريخها العظيم”.